Lara Stoun pozon lakuriq kundër Photoshop-it

Modelja hollandeze, Lara Stoun, ka bërë bujë në internet javën e kaluar. Me fizikun e një vajze të bukur dhe të egër vikinge, përfaqësuesja e Kalvin Kleinit, ka vendosur të pozojë gjysmë lakuriq për revistën “System”, për të ekspozuar pa retushe nga Photoshop-i, trupin e saj, pas lindjes së fëmijës. Dhjetorin e kaluar, Lara Stoun lindi djalin, Alfredin dhe para objektivit të Jurgen Tellerit, ajo ka rrëfyer se si industria e modës e ka detyruar të bjerë në peshë, para se t’i rikonfirmonin kontratat që kishte lidhur. “Sapo dëgjojnë fjalën shtatzani, ata futen në ankth. Ata donin të siguroheshin që më bënin ende rrobat që vishja më parë”, ka thënë ajo para se të shfaqte me krenari e duke treguar strijat, gjoksin e saj lakuriq e të bëshëm, 100% natyral. Megjithëse e përshëndesim gjestin e saj, konstatimi mbetet i hidhur: Trupi pas lindjes i Lara Stounit është më i bukur se trupi ynë pas festave të fundvitit. Eh…