NDRYSHIMI I VIP-ave
Kush ishin dje dhe kush janë sot?
Operacione, ndryshime, hapa përpara ose… mbrapa
Personazhet që vlejnë të bëhen pjesë e kësaj specialeje janë të shumtë, por ne po ju sjellim vetëm disa prej tyre, ata që janë përfolur më shumë për metamorfozën që kanë pësuar ndër vite. Rrugëtimi i tyre: Fëmijë-adoleshent-i rritur shoqërohet me një histori që secili e mbart me vete. Sado të rritet, sado të ndryshojë, e kaluara është dokumentuar jo vetëm në mendjen e tyre, por edhe në foto dhe në video, pjesa më e madhe e të cilave shikohen ende sot. Prandaj, shumë të vërteta që vetë VIP-at i mohojnë përsa u përket ndryshimeve në pamjen e tyre, janë tepër të dukshme në fotot që qarkullojnë. Ne kemi kërkuar e kërkuar aq shumë për të mësuar edhe detaje rreth fëmijërisë së tyre, për t’ia shoqëruar këto ndryshimeve të njëpasnjëshme që kanë pësuar ata edhe në paraqitje për ta kompletuar kështu kornizën e “historisë” së secilit prej tyre që shihni sot, ndaj do të na duhet më shumë se një numër gazete, për t’jua prezantuar… Ju ftojmë të na ndiqni, se kemi plot kuriozitete për t’ju thënë!
Tuna, a është i njëjti person?
Epo, një gjë mund ta themi pa frikë: Këngëtarja Tuna bën ndryshim kolosal kur është me grim! Shikoni Tunën pa make up, shikoni Tunën me make up dhe jemi të sigurtë që do ta keni të vështirë ta bëni lidhjen se është i njëjti person.
Në fillimet e karrierës së saj, ajo ishte e kënaqur me pamjen dhe suksesin e atëhershëm, por duke u rritur, rritej edhe kërkesa e llogarisë ndaj paraqitjes. Kështu, edhe ajo bëri disa ndryshime. Doni ta dini cilat janë? Buzët dhe hunda!
