Luani është shenja e pestë e Zodiakut, është shenjë zjarri, mashkullore, pozitive. Këtë shenjë e sundon Dielli. Luani është shenjë e vendosmërisë dhe udhëheqjes. Luani në simbolikën e përgjithshme përkon me ardhjen në botë të njeriut!
Karakteristika të përgjithshme
Të lindurit e shenjës së Luanit (femra dhe meshkuj) janë dashamirës dhe zotërues të jashtëzakonshëm. Shpesh janë persona me fantazi, energjikë, bujarë, entuziastë, besnikë, ambiciozë dhe simpatikë. Janë kurajozë dhe luftojnë çdo ditë për idealet e tyre dhe për të mbrojtur ata që kanë nevojë për ndihmë apo mbrojtje. Nuk i durojnë padrejtësitë dhe pandërshmëritë, janë dominues, të sigurtë në vetvete, optimistë, të pavarur dhe me vullnet të hekurt. Ata janë sundues dhe udhëheqës siç është Luani mbreti i kafshëve. Kanë dëshirë për të mësuar dhe janë të pasur me influencë dhe inteligjencë të qartë në sensin e përgjegjësisë, me një imagjinatë të madhe poetike me pasion. Nganjëherë janë kryelartë, ngacmues, fjalëshumë dhe shumë ambiciozë, gjejnë me vështirësi mirëkuptimin që kërkojnë, megjithatë dinë të bëhen të dashur dhe zakonisht janë të lumtur në jetën bashkëshortore. Bëhen prindër shumë të mirë dhe fëmijët e tyre i admirojnë sepse dinë të jenë miq të të vegjëlve të tyre dhe tërheqin besimin e tyre. Janë tolerantë por shpesh edhe s’mund të jenë, bëhen arrogantë tiranik dhe rrallë zemërohen por kur zemërohen bëhen të rrëmbyer dhe ofendues. Të lindurit nën këtë shenjë janë tipa magentikë që i tërheqin të tjerët siç tërheq magneti grimcat e hekurit, pra Luanët s’rrinë kurrë pa shokë apo edhe pa të dashur. Luanët janë largpamës, diplomatë, të kuptueshëm, krenar, të matur dhe të vendosur për t’ia arritur qëllimit me çdo kusht dhe kanë shumë arritje në jetë. Janë tipa krijues me plot shooqëri dhe kripa e muhabetit. Të shoqërohesh me to është kënaqësi e vërtetë. Ashtu si Luanët janë mbretër ashtu edhe të lindurit në këtë shenjë e konsiderojnë veten si sundues të universit, kjo sepse i sundon dielli, më i madhi nga të gjitha planetet. Të kesh një Luan në skuadër është një gjë e mirë sepse ato i zbatojnë me përpikmëri rregullat e punës dhe e çojnë punën deri në fund. Luanët janë të ndershëm, romantikë, filantropë, të qëndrueshëm, të fuqishëm, ekstravagant, të lëvizshëm dhe të zhdërvjellët. Janë tipa që u pëlqen jeta mondave, të vetësigurt dhe me dashuri të madhe për jetën. Kanë një pamje interesante dhe janë simpatikë që i tërheqin fort të njohurit e tyre. Janë dhe mëndjemëdhenj, imponues dhe priren për intriga. Shpesh kanë një mënyrë shkëlqimi të gjërave dhe tregohen të drejtë, të vendosur në veprimet e tyre dhe dallohen për frymë iniciative. Luanët nuk e çajnë kokën se ç’thonë të tjerët për ta dhe vazhdojnë të ecin përpara me hap mbretëror. Megjithëse janë vanitoz, egocentrik, mendjemëdhenj duhet pranuar se bota pa Luanin s’ka shkëlqim. ثshtë e lehtë të njihesh me ta. Janë shumë realistë, njerëzorë dhe të ngrohtë. Ata i përballojnë me madhështi situatat më të vështira që të tjerët tërhiqen prej tyre. Janë dinamikë dhe të zjarrtë, marrin flakë nga zemërimi por nuk duan t’i bëjnë keq kujt. Pëlqejnë komplimentat dhe përdorin vartësit si gurë shahu për të arritur qëllimet e tyre. Në lidhje me të tjerët janë të thjeshtë, të hapur të sinqertë, të veçantë e të besueshëm (dhe spontanë). Luani janë të preferuarit e Zodiakut. Ata pëlqejnë jetën luksoze, madhështinë, spekullime të reja, fëmijët, dramën, urrejnë: kujdesin, kursimin, njerëzit e këqinj e të mbyllur, monotoninë.
Karakteristikat e femrës së Luanit
Femra që lind në këtë shenjë është luftarake por fatkeqësisht gabon nga çiltërsia. Ajo karakterizohet nga një ndjenjë e lindur te ajo, nga besimi tek njerëzit dhe situatat, që e shtyn të bëjë gabime aq të mëdha sa janë të pariparueshme. Në marrjen e vendimeve femra e Luanit nise thuajse gjithmonë nga ndjenja dhe pak nga arsyeja; ajo është shumë zemërgjerë dhe nuk e fsheh edhe pse në thelb besnike, nevojën që ka për liri, si dhe tendencën për të vepruar gjithmonë në kohë të vet. Duket sikur gjithmonë mendon “Sidoqoftë vetë e kam fajin”. Vështirë që femra e Luanit të mos e mbajë fjalën e dhënë përveç rasteve kur mund të kushtëzohet nga rrethanat: ajo është mbështetje e sigurt sepse ndjenja e detyrës, që nuk e braktis kurrë është thellë tek ajo. Tek femra e Luanit bie në sy ndjenja estetike, asaj i pëlqen të rrethohet nga gjëra të bukura dhe të kujdeset për veten. Nga jashtë mund të duket e ftohtë, në të vërtetë është e rrëmbyer dhe e prirur të reagojë vrullshëm nëse ndihet e fyer ose e lënduar.
Karakteristikat e mashkullit të Luanit
Ndonëse është elegant, shumë sedërmadh dhe merakoset mjaft për mendimet e të tjerëve mashkulli i Luanit dallohet për aftësi organizative, entuziazmin e tij dhe një ndjeshmëri të lindur qe e stimulon për të kërkuar të bukurën dhe më të mirën. Lëvdatat e miklojnë Luanin, ndaj ai i pranon ato me kënaqësi. Intuita e mashkullit të Luanit është vërtetë e jashtëzakonshme, ka aftësi të mira për të bërë përgjithësime dhe sheh shumë larg (është largpamës). Situatat e vështira mashkulli i Luanit mund ti zgjedhë shumë shpejt. Për fat të mirë arrijnë të dallojnë të mirën nga e keqja dhe rrallë tek ta mbizotërojnë anët negative ekstreme. Janë zbukurues të shtëpisë, i dedikohet rregullit të saj.
Personaliteti i Luanit
Meshkujt dhe femrat janë shumë të përzemërt, njerëz me pikëpamje të gjera që nuk i pengon të jenë mjaft egocentrikë. Kjo i bën ata njerëz me personalitet magjepsës duke i dhënë natyrës së tyre të veprimit, tone elegante dhe të papërmbajtshme që shprehin entuziazëm dhe optimizëm të shëndoshë. Shprehja di se ç’bëj i shkon fare mirë për shtat të lindurve të Luanit që dinë të demostrojnë gjeste të bukura solidariteti kur e kuptojnë se dikush ka nevojë për ta. Në marrëdhëniet midis njerëzve ata e përçmojnë intrigën, hipokrizinë dhe shpirtvogëlsinë. Në të vërtetë ata janë gjithmonë shumë të sinqertë drejtëpërdrejtë dhe të prirur të reagojnë pa përdorur rrugë të mesme qoftë me fajlë qoftë me vepra. Duke qenë shumë besnikë ata kanë shumë të vështirë t’i dorëzojnë armët dhe i vazhdojnë betejat të inkurajuar nga intuita e tyre e mirë edhe pse jo gjithmonë arrijnë t’ia dalin mbanë. Të lindurit e kësaj shenje janë tipa praktikë dhe koherentë por asnjëherë të shpërndarë. ثndrrat nuk bëjnë pjesë në jetën e tyre sepse janë realistë dhe dinë t’i kapin situatat. Janë autoritarë por shpirtgjerë. Shpesh e tejkalojnë me sigurinë që kanë në forcat dhe mendimet e tyre e që kërkojnë t’i bëjnë të njohura me çdo kusht.
Të lindurit në dhjetëditëshin e parë (22 korrik – 1 gusht)
Janë më arrogantë dhe mendojnë se kanë meritë për gjithçka. Duke qenë të rrëmbyeshëm ata u besojnë puthadorëve dhe në dashuri janë të drejtpërdrejtë. Sukses më të madh do të kenë në pjesën e dytë të jetës.
Të lindurit në dhjetëditëshin e dytë (3 – 12 gusht)
Janë tipa kontradiktorë dhe më ambiciozë. Instikti amësor tek gratë është shumë i vogël.
Të lindurit në dhjetëditëshin e tretë (13 – 22 gusht)
Janë më të dashur, më të përmbajtur dhe nuk japin konfidencë. Duke qenë se janë altruistë dhe zemërgjerë ata kanë një ndjenjë të lartë përgjegjësie si në punë ashtu edhe në dashuri.
Luani në dashuri
Në dashuri të lindurit e shenjës së Luanit janë të ngrohtë, romatikë dhe kanë dëshira të forta seksuale, të cilat shpesh i bëjnë jo konstant me partnerin, gjë që mund të shkojë gjer në ndarje. Duan të kenë shumë të dashur dhe duan t’i kenë të pashëm. Luanët në dashuri nuk janë besnikë (kur janë pa martuar) por i mbeten gjithashtu besnikë familjes.
Femra e Luanit në dashuri
Në dashuri femra e Luanit është xheloze, relativisht e prirur për të sunduar mbi të tjerët, disi prepotente por e sinqertë, një gjë që nuk e duron vërtetëështë shpirtvogëlsia. Që të dashurojë një mashkull ajo kërkon ta vlerësojë atë dhe plotësisht, duke pasur parasysh të marrë katikule dhe mirësjellje; më të do të dijë të jetë gjithmonë e dashur, gjë që mund t’i vijë shumë natyrshëm. Femra e Luanit dashuron me shumë sentimentalizëm por kërkon të jetë e lirë dhe nuk e duron dot monotoninë e jetës bashkëshortore që për mendimin e saj, është një kurth për lumturinë. Në dashuri gjithashtu ajo kërkon respekt të njëjtin respekt që ajo është e gatshme të tregojë në marrëdhëniet bashkëshortore për burrin e saj. Femra e Luanit e përçmon gjithçka të rëndomtë dhe në dashuri kërkon të jetë për partnerin e saj gjëja më e rëndësishme. Kjo i jep siguri dhe qetësi. Për të fituar femrën e Luanit mashkulli nuk duhet të tregohet xheloz, sepse femra e Luanit kërkon ta ndjejë se është e lirë edhe pas martesës. Edhe pse nuk e përbuz flirtin ajo e ka të vështirë t’u hyjë aventurave, sepse për të dashuria është diçka e rëndësishme dhe serioze në jetë. Nga miku i saj ajo pret besnikëri dhe shumë butësi, vlerësim dhe miratim. Me mashkullin e saj ajo tregohet xheloze, pa ushtruar asnjë lloj presioni të tij, është e zjarrtë dhe shumë e vendosur, por dhe e gatshme të falë nëse do të jetë e nevojshme. Në dashuri shpesh i mungon ndjenja e humorit prandaj është më mirë që me të, të mos përdoret ironi, sepe kjo e mërzit. Mjerë ai që e vë përballë situatash kompromisi, ajo nuk i duron dot për shumë kohë sepse i konsideron si pabesi. Nëqoftëse ka pranë saj një burrë që nuk e vlerëson, atëherë ajo mund të mos e dashurojë më pavarësisht nga ndjenja e saj është zemërgjerë në dashuri.
Mashkulli i Luanit në dashuri
Në dashuri mashkulli i Luanit vepron shumë i sigurt, është tip që shkon shumë pas instiktit për të cilin i detyrohet sensualizmit të fortë. Për nga natyra Luani është shumë xheloz e duke qenë edhe kyelartë, nuk e fal kurrë tradhëtinë në dashuri; përkundrazi mbetet me ndjenja dhe sedër të lënduar. Mashkulli i kësaj shenje është një mik i zjarrtë dhe i qëndrueshëm, që i jepet me zemërgjerësi gruas së tij. Me të ai është i ngrohtë veçse paksa gënjeshtar, ndonëse gënjeshtrat e tij nuk janë për t’u dramatizuar, ngaqë zakonisht fshehin gabime të parëndësishme. Mashkulli i Luanit dëshiron të ketë pranë vetes një grua me të cilën të krenohet në shoqëri, qoftë për nga bukuria, qoftë për nga inteligjenca. ثshtë tip shumë xheloz (më shumë se femra) por nuk e shfaq, shumë i zjarrtë jo shumë romantik dhe në marrëdhëniet bashkëshortore nuk e pranon t’i cënohet krenaria. Nga pikëpamja seksuale ai është shumë i gjallë dhe nga mikja e tij kërkon përkushtim maksimal dashuri, afsh dhe besim të verbër. Mashkullit të Luanit gjithashtu i pëlqejnë katikulat dhe lavdërimet, sidomos kur ato ia bën gruaja që dashuron. Mashkulli i Luanit interesohet për të dashurën e tij dhe me të tregohet zemërgjerë dhe mbrojtës, po ashtu dhe me njerëzit e tjerë të dashur. Për të marrë vendime në martesë ai është i prirur të marrë mendimet e të tjerëve.
Të lindurit në dhjetëditëshin e parë (22 korrik – 1 gusht)
Marrin të gjitha karakteristikat e shenjës.
Të lindurit në dhjetëditëshin e dytë (3 – 12 gusht)
Janë më të ftohtë dhe më të arsyeshëm në dashuri sepse e ndjejnë ndikimin e Shigjetarit që është shenja pasardhëse e zjarrit.
Të lindurit në dhjetëditëshin e tretë (13 – 22 gusht)
Janë më shumë xhelozë dhe të rrëmbyer, për nga natyra veprojnë me instikt; janë të fortë dhe të vendosur në dashuri, shquhen si karaktere plot pasion.
Launi në miqësi
Femra e Luanit nuk i pranon me dëshirë kritikat dhe, rrjedhimisht nuk ka shumë miq, të paktën jo shumë të sinqertë. Sidoqoftë ajo e ka ndjenjën e miqësisë dhe me miqtë dhe të njohurit e saj ajo është gjindshme dhe e gatshme për të dhënë ndihmë nëse i drejtohen asaj. Për t’u shënuar se e vetmja shenjë me të cilën Luani mund të krijojë një lidhje të thellë miqësie është Peshorja, sepse mirësjellja dhe diplomacia e të lindurve në shenjën e Peshores nuk e lëndojnë kurrë sedrën e Luanit. Femra e Luanit nuk kthehet kurrë mbrapsht, kur mbetet e zhgënjyer nga një miqësi. Në miqësi gjithashtu kjo femër nuk e duron shpirtvogëlsinë dhe mbi të gjitha është shumë besnike.
Mashkulli i Luanit në krahasim me femrën i kushton më pak vëmendje dhe rëndësi miqësisë. Kjo mënyrë të sjelluri ndoshta lidhet me oportunizmin e tij të theksuar dhe me faktin që, duke qenë shumë ambicioz, ai është më pak i gatshëm që t’u kushtojë kohë miqve, kaq shumë është i dhënë pas karrierës (punës). Sidoqoftë ai është njeri zemërgjerë dhe sillet me përzemërsi dhe në mënyrë gati mbretërore me ata që i ka miq. Ashtu si femra dhe ai nuk i pranon kollaj kritikat, edhe sikur t’i bëhet nga miqtë, si ndër më të mirët do të kishte zgjedhur të lindurit në shenjën e Dashit dhe të Shigjetarit, sepse me ta ka të përbashkët dhe virtytet. Nëse tradhëtohen nuk dorëzohen dhe vazhdojnë t’i zgjatin dorën e miqësisë atij që i ka tradhëtuar. Por nuk dinë t’i shikojnë njerëzit dhe kanë një besim të vërbër tek idhtarët e tyre megjithëse shpesh këta i zhgënjejnë.
Luani në familje
Femra e Luanit është e lidhur thellësisht me konceptin tradicional të familjes dhe për ta shpëtuar e për ta mbajtur të bashkuar, është e gatshme të pranojë dhe ndonjë kompromis gjë që sigurisht nuk bën pjesë në natyrën e saj. Përgjithësisht ajo është një grua që ka marrëdhënie të shkëlqyera me familjen nga e cila rrjedh dhe, në mënyrë të veçantë, me prindërit: ajo ka qenë një bijë shembullore dhe prandaj do të jetë një nënë e shkëlqyer që do të ketë dëshirë të merret me fëmijët duke i rritur dhe edukuar në bazë të parimeve të shëndosha e tike dhe morale. Fëmijëve të saj kërkon t’u sigurojë më shumë të mira materiale dhe t’u edukojë parime shpirtërore që ajo i konsideron një trashëgimi me vlerë të madhe.
Mashkulli i kësaj shenje është relativisht i pranishëm në familje, sepse është shumë i zënë me punë. Shumë kohë i merr dhe ambicia e tij që e shtyn të bëjë gjithnjë e më shumë. Sidoqoftë gjen kohën edhe për fëmijët, për të cilët është mbi të gjitha një mik i mirë. Ai kërkon t’i edukojë fëmijët sipas përfytyrimit të tij qoftë përsa u përket ideve, qoftë përsa i përket zgjedhjes së profesionit. Me gruan ai është i sjellshëm dhe është i gatshëm ta mbrojë dhe ta përkrahë. Mirëkuptimi i shkëlqyer me familjen nga e cila rrjedh dhe asnjë vështirësi përsa u përket shpenzimeve për shtëpinë dhe për të dashurit e tij.
Aftësitë profesionale të Luanit
Llogjika, aftësitë organizative dhe një farë shije e lindur artistike janë tiparet themelore të natyrës së femrës së Luanit, ja përse angazhimi i saj profesional do të japë fryte të shkëlqyera, qoftë në fushën e drejtimit, qoftë në krijimtarinë artistike, ndonëse në dukje këto dy tendenca nuk kanë pika takimi. Femrat e kësaj shenje bëhen afariste të shkëlqyera politikane, avokate, organizatore fushatash reklame, gazetare, madje dhe artiste të mira, regjisore të zonja dhe dekoratore me famë. Gjithmonë do të jetë që ato të zgjedhin një punë që u jep atyre pavarësi të plotë, për më tepër u jep mundësi për të marrë vendime, pa u mbështetur shumë te të tjerët.
Mashkulli i Luanit për vetë karakterin autoritar dhe natyrën luftarake patjetër do të ketë mundësi të mira për suksese në fushën profesionale, me kusht që ai të zgjedhë profesione të përshtatshme, që i japin kënaqësi dhe i nxjerrin në pah në mënyrën dhe në masën që dëshiron ai. Të lindurit në shenjën e Luanit bëhen arktitektë, dekoratorë, shkrimtarë artistë, zejtarë, avokatë, fotografë, politikanë dhe regjizorë të zotë por ata kanë edhe dhunti të mëdha për të drejtuar dhe mund të bëhen shefa. Sigurisht që ky mashkull është punëtor i palodhur dhe i gatshëm për t’ia kushtuar kohën dhe veprimtarive që ai ka për zemër. Si mashkulli ashtu edhe femra është mirë t’i shmangin profesionet që kanë të bëjnë me objekte elektrike dhe mekanike sepse si të gjitha shenjat e zjarrit dhe Luani është objekt incidentesh. Një këshillë: bëni kujdes ndaj miklimeve sepse nuk janë gjithmonë të sinqerta siç mendoni ju.
Luani në para
Të lindurit në këtë shenjë janë të prirur ta teprojnë në shpenzime, edhe pse përgjithësisht fitojnë me një farë lehtësie. Në fakt, kur i vihen diçkaje tek e cila kanë besim, ata japin më të mirën e tyre dhe arrijnë të marrin kënaqësi në planin moral dhe material. Kurrnacëria, sigurisht nuk bën pjesë në karakterin e Luanit dhe prandaj edhe të lindurit në shenjën e Luanit nuk janë shumë të prirur të grumbullojnë para vetëm kur kanë një projekt të veçantë për të bërë; ata kanë qejf të shpenzojnë sidomos për objekte për të cilat shtëpia dhe personi mund të mburren. Femrat kanë dëshirë të blejnë stoli, parfume, veshje dhe gjithçka që u duhet për trupin dhe elegancën e tyre. Si femrave dhe meshkujve u pëlqen të blejnë antika, edhe në këtë fushë gjithmonë zgjedhin gjëra me cilësi të mirë pa diskutuar shumë për çmimin. Meqënëse të lindurve në shenjën e Luanit nuk u pëlqen sipas skemave të gatshme, edhe në shpenzime dhe në marrëdhëniet me paranë ata veprojnë më shumë në instiktin e çastit sesa me llogjikë dhe kur është fjala për të bërë dhurata, ata ndjekin më shumë ç’u dikton zemra, sesa llogjika e portofolit. Në marrëdhëniet e Luanit me paranë do të ndikojë pozicioni i Diellit dhe Hënës dhe drejtimi i këtyre të dyve në horoskop.
Luani dhe shëndeti
Të lindurit e Luanit (si femra dhe meshkuj) si rregull gëzojnë zakonisht shëndet të mirë dhe kanë aftësi të mira për ta marrë veten pas sëmundjeve. Por pikat më të dobta të Luanit janë: kraharori, shpina, shtylla kurrizore, veshkat, zemra, sistemi i gjakut dhe vezoret. Luanët mund të vuajnë edhe nga dhimbje ndërbrinjore, nga shqetësime të tiroideve, nga probleme të qarkullimit të gjakut, të palcës kurrizore. Tek të gjithë të lindurit në këtë shenjë mund të vërehen mungesa magnezi dhe kalciumi. Mund të vuajnë nga aneurizmet dhe stenokarditi. Luanët kanë merak të shërohen shpejt dhe kanë mundësi për t’ia arritur qëllimit. Për këtë shenjë rekomandohen kurat komeopatike, sepse ata janë të prirur të kenë alergji nga mjekimet e zakonshme. Pika të tjera delikate mund të jenë dhe mëlçia dhe arteriet, sytë, stomaku, sistemi nervor, grykët, pankreasi. Në fakt, pavarësisht nga forca e jashtme, të lindurit e shenjës së Luanit psiqikisht janë të dobët dhe mund të kalojnë shqetësime nervore, pagjumësi kur janë në gjendje shumë të ndër dhe aritmi të zemrës për arsye të tensionit të brendshëm dhe të dhimbjeve. Ata mund të vuajnë dhe nga bllokime të gjakut, ulçera dhe helmime për shkak të funksionimit të ngadaltë të mëlçisë. Për të larguar tensionin nervor është e udhës që të lindurit e Luanit të ecin, të bëjnë fiskulturë, të ngasin biçikletën, të luajnë golf, të vrapojnë në ajër të pastër dhe të notojnë. Mund të ndodhë që të kenë mungesa të magnezit. Gjella e tyre duhet të përbajë ushqime me pak yndyrna dhe të pajisur me zarzavate, me gjethe ngjyrë të errët. Shumë të mira për ta janë çikorja, spinaqi, panxhari, dhe si fruta: kajsia, pjeshka, pjepri, rrushi, molla, dardha dhe ananasi. Mirë është të lihet mënjanë mishi i kuq dhe të gatuhet mishi i bardhë (pulë, gjel deti, lepuri i butë) i shkëlqyer është edhe peshku me kusht që të mos jetë i yndyrshëm. Pija që rekomandohet më shumë është uji mineral. Shumë të mira janë dhe lëngjet e frutave të pasheqerosura aq më mirë sikur të jetë lëng grejfruti (sepse shkrin yndyrnat) dhe lëng rrushi që është laksativ dhe diuretik. Mirë bën dhe birra që përmban vitaminë B dhe të gjithë çajrat qetësues duke përjashtuar ato me mente që mëlçia nuk i pranon.
Të lindurit në dhjetëditëshin e parë (22 korrik – 2 gusht)
Kanë rrahje të shpejta të zemrë, shqetësime të shpinës, shtyllës kurrizore, shqetësime të tiroideve. Duhet të bëjnë kujdes se mos rrëzohen.
Të lindurit në dhjetëditëshin e dytë (3 – 12 gusht)
Paraqesin ndjeshmëri më të madhe në rrugën e frymëmarrjes, në veshka, në sistemin e gjakut dhe në vezore.
Të lindurit në dhjetëditëshin e tretë (13 – 22 gusht)
Vuajnë shpesh nga pulsi i parregullt, nga funksionimi i ngadaltë i mëlçisë dhe nga sistemi nervor delikat.
Planetët që ushtrojnë ndikimin më të madh tek të lindurit në shenjën e Luanit meshkuj dhe femra, janë : Dielli, Marsi, Afërdita dhe Mërkuri.
Vlerat e Luanit
Femra e kësaj shenje është ngulmuese, optimiste, kurajoze dhe i përballon problemet me këmbëngulje dhe realizëm, pa dyshim është një tip shumë besnike, zemërgjerë, e përzemërt dhe e hapur, që vepron me instikt edhe në marrëdhëniet e saj shpirtërore, ndërsa çiltërsia e saj e tepruar (që e dëmton shumë dhe sigurisht nuk numërohet me vlerat e saj) përfundimisht bëhet pjesë e hirit të saj të lindur. Gëzimi i jetës nuk mund të kalohet pa u vënë re te femra e Luanit, ashtu si nuk mund të mos tërheqë vëmendje edhe dëshira e saj për të vepruar si në planin vetiak ashtu edhe në atë profesional. Femra e Luanit është gjithmonë energjike për të ndihmuar dhe për të mbrojtur më të dobëtit me shumë dashamirësi. Ajo ka edhe shumë interesa artistike dhe kjo patjetër që është një vlerë e madhe e saj si edhe një ndjenjë e thellë dinjiteti që tek ajo është e lindur.
Mashkulli i Luanit është gjithashtu zemërgjerë, besnik, ngulmues, optimist, mbrojtës dhe i mirë. Janë të fuqishëm dhe guximtarë. Ai është me temperament të fortë, i ndërshëm, i sigurt, asnjëherë shpirtvogël ndaj të tjerëve. Në punë është praktik në dashuri është autoritar me partneren e vet, por edhe bujar dhe i zjarrtë. Sigurisht që ai është bashkëshort shumë i sjellshëm dhe i vëmendshëm. ثshtë kavalier dhe i matur dhe nuk e mban inatin.
Të metat dhe dobësitë e Luanit
Zakonisht femra e shenjës së Luanit zemërohet lehtë, është shumë e ndjeshme ndaj miklimeve, shpeshherë nuk i duron kufizimet e jetës shtëpiake. Ajo dëshiron të vendosë vetë për veten e saj, por jo rrallë herë edhe për të tjerët. Femra e Luanit është natyrë disi kundërvepruese. Nëse ndihet e fyer ajo nuk mënon të zhveshë shpatën dhe të bëjë diçka: sigurisht që reagimet e saj nuk kalojnë pa u vënë re. Përgjithësisht ajo bën ç’është e mundur për të rënë në sy dhe në dashuri është një mike që ushqen ndjenja të forta për të sunduar tjetrin, mike e cila do të përpiqet ta modelojë partnerin e vet sipas shijeve dhe natyrës së saj të jetesës. Një dobësi e femrës së Luanit është mburrja apo lavdërimi që i bën vetes apo gjërave dhe njerëzve që kanë lidhje me të. Në fakt ajo pëson menjëherë krizë sa herë që ndokush nuk i shkon pas oreksit kur bëhet fjalë për ndonjë blerje vetiake, e natyrisht për ndonjë blerje luksi. Sakrificat në këtë aspekt mund t’ia prishin humorin, gjë që është vërtetë e tepërt dhe e paarsyeshme, sepse edhe në këtë drejtim njeriu mund të mësojë me lehtësi si të fitojë. ثshtë fakt që femrës së Luanit i mungon ndjenja e humorit dhe për këtë arsye ajo fyhet shpejt, edhe pa pasur ndonjë motiv të vërtetë. Atëherë ajo mbyllet në vetvete shfaq një farë nervozizmi dhe mbajnë qëndrime që kalojnë caqet ndaj atyre që, sipas asaj, e kanë fyer. Është gjithashtu një femër dogmatike (dhe intolerante).
Mashkulli i Luanit është mjaft mendjemadh, nganjëherë tiranik, disi “dorëshpuar” në kuptimin që është i prirur të shpenzojë më shumë nga ç’i mban xhepi. Për nga natyra ai është (tepër) krenar, arrogant, hundë përpjetë dhe i prirur të krijojë edhe pa dashur probleme për shkak të besnikerisë së tij; jo rrallë kërkohen “alternativa” edhe pse për të është e rëndësishme që të mos e ndryshojë statusin familjar. Ja pse i duhet një grua me karakter të butë, që të jetë shumë e aftë për ta kuptuar. Ai ka një dëshirë të vërtetë të madhe për pushtet, për arritjen e të cilit ai mund të braktisë një dashuri ose një marrëdhënie të ngushtë miqësie. Mashkulli i Luanit duke qenë se nuk ka dëshirë të kalojë pa u vënë re, bën gjithçka për të rënë në sy, shpesh herë duke e tepruar dhe duke u bërë shkas për ilaritet. Kjo mënyrë jetese nxitet nga fakti që ai është objektiv i lehtë për tu arritur, kur bëhet fjalë për lëvdata. Ai e merr çdo lavdërim si kompliment të sinqertë, pa e çuar qoftë edhe larg e larg në mendje a janë të sinqerta këto vlerësime. اiltërsia dhe sedra e tij nuk e lejojnë të bjënë vlerësime objektive dhe prandaj do të bëjë gabime që do ta dëmtojnë. Një e metë e Luanit është se u beson shumë të tjerëve.
Ekstravagancat e Luanit
Për asnjë arsye femra e Luanit nuk e neglizhon ndjenjën e thellë, që tek ajo është e lindur, për anën e saj estetike dhe rregullin; në çdo çast të ditës dhe në çdo rast ajo do të jetë gjithmonë në më të mirën e saj, edhe sikur t’i duhet një farë mundimi për këtë. Shkujdesja dhe mungesa e harmonisë në të veshur e shqetësojnë dhe prandaj ajo është përherë e vëmendjshme për pamjen e saj të jashtme, qoftë brenda mureve të shtëpisë, qoftë në shoqëri. Harmonia me vetveten është një nga fitoret ditore, që plotësojnë anën sqimtare të natyrës së saj. Kujdes duhet pasur ndaj reagimit të femrës së Luanit, që është vërtetë po aq i jashtëzakonshëm, sa ç’është i paparashikueshëm, prapa maskës së saj disi të ftohtë dhe të largët, për të mos thënë hijerëndë, fshihet një vullkan i vërtetë! Po të shkelet në kallo, ajo është e aftë të ndryshojë qëndrim dhe madje po të jetë e nevojshme të shndërrohet në një grua të furishme.
Përsa i përket mashkullit të Luanit mund të thuhet se është vërtetë shumë supersticioz, sidomos në lidhje me objektet. Ai është tip klasik që mban gjithmonë me vete një hajmali dhe i ndjek thëniet dhe besimet popullore në lidhje me fatin ose fatkeqësinë.
Këshilla për Luanin
I linduri i Luanit është i prirur të mendojë (ose më mirë të gënjejë veten) se të tjerët meshkuj apo femra janë njerëz të dretpërdrejtë, zemërgjerë dhe besnikë. Megjithatë nuk është përherë kështu. Ja përse është mirë që Luani të mësojë të mos jetë tepër i çiltër dhe të mos u besojë shumë të tjerëve sepse mund të pësojë zhgënjime dhe disfata, por kjo nuk duhet ta bëjë atë cinik dhe jotërheqës. Tek e fundit mjafton që t’i mbajë sytë hapur! Të lindurve të kësaj shenje u ndodh që të mos u kushtojnë mjaft vëmendje hollësive dhe ngjyrimeve që ndryshojnë thelbin e gjërave dhe rrjedhimisht faktet, kjo nuk është mirë! Hollësitë nuk duhen nënvleftësuar sepse ndihmojnë të kuptohen më mirë njerëzit dhe rrjedhimisht të krijohen marrëdhënie më të mira mes tyre. Meqënëse Luanit, mashkullit dhe femrës, asnjëherë nuk i mungon ndjenja e përgjegjësisë dhe miqësisë mund të ndodhë që ndokush të përfitojë prej tij para se ky ta kuptojë; prandaj kujdes! Me një fjalë, të lindurit në këtë shenjë në thelb duhet që ta bëjnë të tyrin konceptin: “Jeto, por jo me ëndrra”. Një gjë duhet vlerësuar tek të lindurit në shenjën e Luanit: arti i të falurit. Megjithatë, ata kanë nevojë ta ndjejnë që tjetri që i ka lënduar, qoftë dhe padashur t’u kërkojë të falur. Në këtë pikë gjithçka harrohet dhe meritat do të zhduken, e pikërisht në këtë pikë i linduri në këtë shenjë demostron një nga aspektet më të vyera të natyrës së tij: bujarinë e shpirtit. Një këshillë: nuk është keq t’i shtohet çiltërsisë një grimë mosbesimi.
Kombinimi me shenjat e tjera
Në miqësi: Meshkujt dhe femrat e lindur në shenjën e Luanit kanë marrëdhënie të mira miqësore me Peshoren e ekuilibruar, me Dashin e zjarrtë sepse ai përthith entuziazmin, me Shigjetarin zemërgjerë; sepse kanë interesa të njëjta, me Demin praktik sepse i tërheq thjeshtësia e tij, me Gaforren zemërbutë, sepse u plotëson nevojën për tu mbrojtur, me Luanin zemërgjerë sepse vendosen marrëdhënie të respektit reciprok. Nuk ka dyshim se është vështirë miqësia me Virgjëreshën celebrale, me Akrepin e shqetësuar, me Bricjapin e thellë shumë të mbyllur në vetvete, me Ujorin origjinal jo gjithmonë spontan dhe me Peshqit e pakapshëm.
Në dashuri: Nga pikëpamja emocionale dhe seksuale Luani mashkull dhe femra, vendosin marrëdhënie më të mira me Dashin e sinqertë, me Gaforren e dobët, me Peshoren sqimtare, me Shigjetarin entuziast dhe me Peshqit e pamposhtur. E pamundur dhe e lodhshme do të ishte një lidhje me Demin tepër të rregullt, me Binjakët tepër të shpenguar, me Luanin për shkak të të metave të njëjta, me Virgjëreshën së cilës i mungon entuziazmi, me Akrepin që e ka të theksuar ndjenjën e sundimit mbi të tjerët, me Bricjapin e arsyeshëm e me Ujorin e matur.
Në punë: E shkëlqyer harmonia me Dashin, me Binjakët, me Virgjëreshën, me Shigjetarin, me Bricjapin. Luani gjen tek këto shenja gjërat që atyre u mungojnë. Në punë bashkëbisedimi është i vështirë me Demin kryeneç, me Gaforren e ndjeshme, me Luanin prepotent, me Akrepin shpesh të tensionuar, me Ujorin sedërmadh dhe me Peshqit e ngathët.
Mashkulli ideal për femrën e Luanit
Duke qenë besnikë nga natyra femra e Luanit ka nevojë për një mik të cilin mund ta çmojë dhe ta admirojë në mënyrë të pakushtëzuar edhe për cilësitë e tij morale. Mashkulli ideal për këtë femër duhet të mbajë parasysh se sa pak e prirur është ajo për të pranuar sidomos në dashuri çdo formë kompromisi që e zhgënjen dhe e trishton. Nga mashkulli i saj kjo femër pret përkrahje, zemërgjerësi dhe marrëdhënie të ngrohta seksuale por dhe shumë respekt që të ndihet më e lirë. Pa dyshim ajo është e gatshme t’i pranojë dobësitë e burrit që dashuron por nuk pranon kurrë shpirtvogëlsinë.
Femra ideale për mashkullin e Luanit
Këtij mashkulli i duhet një mike me shije të holla, asnjëherë vulgare, një grua e kultivuar, inteligjente me të cilën ai mund të krenohet në shoqëri dhe me miqtë. Duke qenë xheloz ai kërkon një partnere besnike. Mashkulli i Luanit është ai që e duron më pak xhelozinë, me të gjitha rrjedhojat e saj (ndonëse vetë është tip që kërkon të sundojë të tjerët) Në këto marrëdhënie ai është i përgjegjshëm, zemërgjerë, përkrahës mjaft i gjindshëm, mjaft që t’i jepet mundësia në punë.
Kuriozitete të Luanit
Vendet që i përshtaten Luanit
Kësaj shenje që simbolizon pushtetin dhe qeverinë i përshtaten: Italia, Franca, Rumania, Gjermania, Sicilia, dhe qytetet: اikago, Bristoli, Kremona, Filadelfia, Praga, Ravena, Roma dhe Sirakuza. Në këto vende ndihen rehat sepse i përkasin shenjës së Luanit.
Ngjyrat e Luanit
Qëllimisht të lindurit e kësaj shenje janë të prirur që të zgjedhin të kuqen, të verdhën e florinjtë, portokallin e çelët dhe ngjyrën e purpurt që theksojnë vitalitetin dhe sigurinë dhe rrisin edhe tonin e përzemërt. Për të lindurit e Luanit nuk rekomandohen ngjyrat e çelta sepse ia dobësojnë energjitë. Ngjyra e kaltër, e hapur dhe e gjelbër ujore janë ngjyrat që i sjellin qetësi Luanit luftarak.
Orët e dashurisë
Për të shprehur ndjenjat e tyre për dashurinë më të përshtatshme janë këto momente: nga ora 4 deri në 5 e hënë, e mërkurë dhe e shtunë ose 16 deri 17 e martë, e enjte dhe e shtunë.
Dielli, Marsi dhe Afërdita që i drejtojë këto orë janë planetë të favorshëm për Luanin.
Hajmalitë që duhet të përdorë Luani për t’i sjellë fat janë: një bretkosë e vendosur diku më vete me çdo lloj mënyre që të jetë, të qendisur, kukull, stampë, që për Luanin luftarak sjell qetësi dhe i ul frenin e tij ose një unazë arit e verdhë që mbështetet nga Dielli.
Personazhe të Luanit
Napoleon Bonaparti, Lorenco Madhështori, Enzo Biaxhi, Rikardo Muti, Xhorxh B. Shou, Salvatore Kuazimodo, Pepino di Kapri, Zhaklinë Kenedi, Karla Fraci, Madona, Ana e Anglisë, Lorela Kukarini, Fleming, Dyma, Jenifer Lopez, Arnold shvarceneger, Bill Klinton, Aleksandri i Madh.
