Pas një rrëmuje të madhe mediatike që pësoi rasti i juristes më të njohur në Shqipëri, Znj. Eni Çobani dhe një prej “klienteve” të saj, sot gjithçka ka ndërruar kahun. Erjona Muça, e cila para disa ditësh akuzoi Znj. Çobani se e kishte mashtruar, duke e “zvarritur” e gjithashtu duke i marrë dhe para, sot ka përgënjeshtruar gjithçka. Në llogarinë e saj në Instagram, Muça i ka kërkuar Çobanit falje publike, me pretekstin se personi që ajo kishte komunikuar nuk ishte juristja në fjalë, por dikush që pretendonte të ishte ajo. Kjo falje është mirëpritur nga Eni Çobani, e cila në rrjetin social Instagram ka shprehur dhe dëshirën për t’u njohur vërtet me Erjonën dhe problemin e saj, duke treguar dhe njëherë afeksionin dhe dashamirësinë e saj për njerëzit. Megjithatë, ky rast i bashkëngjitet shumë fenomeneve të ndodhur së fundmi në Shqipëri, ku liria e fjalës dhe aksesi i kujtdo në rrjete sociale krijon probleme nga më të ndryshmet.
