I njohur për zërin e bukur dhe të këndurit live në mënyrë të mrekullueshme, Tush Gjakova këtë herë vjen me një projekt vërtet mbreslënës. Këngëtari e hapë sezonin e dasmave me këngën me titull “Nusja Dhëndrri”, një këngë e gjallë, e bukur dhe tamam për dasma e gëzime.
Teksti i këngës është shkruar nga Valmir Delija, muzika nga Ymerli Krasniqi, miksimi është bërë nga Daim Lala. Këngëtari i popullarizuar Tush Gjakova është rikthyer sërish, edhe këtë herë me një projekt të bukur e goditës. Ky projekt që tashmë ka nisur ta marrë pëlqimin e publikut, është incizuar në Studio D&L.CH. Videoklipi i këngës është punuar nga “Production’s Bimi”.
Tush Gjakova njihet per një mori këngësh të bukura dhe për angazhimin e tij në dasma, ahengje dhe shumë mbrëmje muzikore në Diasporë. Më poshtë gjeni videoklipin e këngës “Nusja Dhëndrri” nga Tush Gjakova:
