Përshëndetje doktor! Jam një burrë 36 vjeç nga Vlora dhe jam shumë i stresuar sepse kur kam qenë 6 vjeç kam bërë ndërhyrje kardiokirurgjikale me vrim në zemër dhe me rrjedhje në valvulën mitrale dhe aktualisht pas 30 vitesh më kanë filluar shqetësimet dhe një mjeke kardiologe më ka thënë që ndoshta duhet të operohem përsëri. Si duhet të veproj pasi jam vërtetë shumë i shqetësuar.
Dr.Taulant Gishto, kardiolog, klinikaustriake@gmail.com, Rruga 5 maji kompleksi Concord, Tiranë, 0674744777/ 0662770750:- Përshëndetje zotëri! Operacioni që ju referoni është një ndërhyrje që realizohet përgjithësisht rreth moshës që ju cituat dhe në përgjithësi është një ndërhyrje jetëshpëtuese e cila nuk kërkon ribërje gjatë gjithë jetës. Megjithatë në një përqindje të vogël rastesh paraqitet e nevojshme ribërja e operacionit. Ribërja lidhet me faktin që valvula të cilës i është bërë plastika valvulare mund të ringushtohet apo të rishfaqet rrjedhja apo siç quhet ndryshe regurgitimi i cili nëse është i avancuar mund të dalë nevoja e rindërhyrjes. Për të përcaktuar situatën tuaj duhet të futem në një analizim të thellë të situatës ku eko transtorakale është vetëm fillimi. Kjo është ekoja standarte e cila realizohet në çdo klinikë kardiologjike. Tek ju për të përcaktuar strukturat më me saktësi ndoshta do ishte më i përshtatshëm aplikimi i ekos transezofageale i cili bëhet nga goja.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
