Kacurrelse, brune, e bukur dhe shumë e talentuar. E duan të gjithë, ka stil dhe është shumë e ëmbël. Për kë tjerët do shkruhej kështu, në mos për Linda Jaranin, aktoren e “Portokalli” por edhe të teatrit. E ka prezantuar veten denjësisht në art por ne në këtë intervistë, e kemi pyetur pak më shumë për veten, si e shikon ajo shoun në të cilin interpreton çdo javë, a është e lumtur që angazhohet në aktrim dhe a ndihet e vlerësuar nga publiku. Kjo është Linda Jarani!
Fabjola Kuburi:-Linda Jarani, figurë e dashur për publikun në televizion, konkretisht së fundmi në “Portokalli” dhe teatër. Të njohin më shumë si Linda e Portokallisë apo si Linda e teatrit?
Linda Jarani:- Dua të më njohin si Linda, nuk ka rëndësi e Portokallisë apo e teatrit, në fund të fundit jam e lumtur që ushtroj profesionin tim në forma të ndryshme.
-Si e gjeti Lindën vjeshta?
-Kisha një kimi me vjeshtën këtë vit që se kam patur ndonjëherë kaq shumë.
-Po vihet në skenë komedia “Boeing Boeing”, si është pritur?
-Është një komedi situatash, do jepet në gjithë Shqipërinë për një kohë të gjatë. Publiku ndahet shumë i kënaqur me ne.
-A vërehet një rritje doze dashurie për teatrin?
-Fatmirësisht po dhe jam shumë e lumtur për këtë. Ndoshta njerëzit kanë shumë nevojë të vijnë të pastrojnë shpirtin e tyre në teatër.
-Një dite me shi, i gëzohesh apo i trishtohesh?
-Është diçka e mesme, nuk di ta shpreh si është ajo ndjesi.
-E në fakt, cila është stina jote e prefruar?
-Pranvera. Jam adhuruese e proçesit të rilindjes të pemëve dhe luleve.
-Çfarë stine është për momentin në “Portokalli”?
-Unë sa herë që shkoj e gjej gjithmonë me ngjyra, si një kopësht me portokalle.
-Sa i përket larmisë së personazheve të tua…
-Jam akoma në njohje të vetes në këtë profesion, dua të kem sa më shumë personazhe dhe të di kush jam. Por jam e lumtur që punoj dhe angazhohem.
-Cili nga rolet në “Portokalli” të ka bërë të dashur për publikun?
-Nuk është se kam patur një rol specifik të vazhdueshëm. Nuk e di, atë e di publiku.
-Do kesh role të tjera në vazhdim?
-Unë nuk jam aktore e brendshme në portokalli, une shkoj shumë rrallë, kur më ofrojnë dhe kënaqem shumë. Pse jo, do shkoja prapë.
-Me cilin je lidhur më shumë nga personazhet që interpreton?
-Adela. Është një rol dramatik në shfaqjen “Shtëpia e Bernarda Albës”. Adelën do doja ta luaja gjithë jetën.
-Dua një situatë reale që të ka ndodhur me njerëz që të kanë njohur dhe të kanë komplimentuar ose kritikuar…!
-Njerëzit gjithmonë shprehen me dyshimin “se ku të kam parë” gjithmonë më thuhet kjo. Komplimentet janë gjithmonë dhe kritikat i marr nga njerëzit e afërt.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!
