– Kam parë në ëndërr ish-bashkëshortin nga i cili jam ndarë para 10 vjetësh, sikur erdhi dhe më kërkoi të martoheshim sërish. Unë u gëzova dhe pranova të ikja me të, por kur po afrohesha te shtëpia e tij, gati po bëhej errësirë dhe i thashë të lajmëronim njerëzit e mi për t’u treguar se po martoheshim. Ju lutem, më thoni, çfarë kuptimi ka?
– E nderuar lexuese, ju e keni mendjen akoma tek ish-bashkëshorti juaj, edhe pse në njëfarë mënyre, lidhja juaj nuk ka qenë një lidhje për t’u dëshiruar. Ju mund të jeni dashur shumë, por ai nuk ka bërë jetë të rregullt. Dhe ëndrra ju këshillon këtë gjë, që asgjë nuk duhet t’ju ngelë merak, sepse jeta me të do të kishte qenë një errësirë e plotë, siç keni parë që po ju zinte errësira në ëndërr. Gëzimi që keni patur në ëndërr është pengu që ju ka ngelur në zemër për atë djalë, ama nga ana tjetër, tregon që do të ishte një trishtim shumë i madh nëse ju do të kishit përfunduar bashkë. Çdo gjë në këtë jetë ndodh për një arsye, ndaj nuk duhet t’ju ngelë merak. Ka ardhur koha që të shikoni përpara sepse meritoni më shumë. Shpeshherë, këshilla nga prindërit është ajo e duhura. E dashur, duhet të shikoni përpara. Mos e çoni jetën dëm duke menduar për të djeshmen. Ju uroj fat!
Ish-bashkëshorti
