“Pranimi i të inkriminuarve politikë si factor i reformës në drejtësi paralajmëron ose dështimin plotësisht të saj, ose një pazar të turpshëm mes klaneve mafioze”
Komedisë së reformës në drejtësi po i vjen fundi . Në skenën e teatrit politik shqiptarë ,gati per tre vjet radhazi , u pa live, në skena dhe prapaskena, natyra dhe karakteri i pluralizmit politik shqiptar , agresiviteti me një intesitet të lartë i një lufte të etheshme politike ,ku kompromisi dhe konsensusi ,si gjithmonë edhe në këtë rast ishin zëvendësuar nga lufta e pamoralshme , intrigat , kurthet institucionale ,bojkotet ,nga kunderthënjet ,shpifjet dhe stisja e skandaleve të paqëna si një sfond I zi ,dhe pretekse për t’ju kundërvënë kësaj reforme . Shqiptarëve sot ,nuk u ka mbetur gjë tjetër veçse, të zhytur në pezm dhe zhgënjim nga kjo klasë politike , të ëndërrojnë ,të hedhin baste si në një ndeshje futbolli, në se reforma në drejtësi do të përfundojë ose jo ,në se do të realizohet projekti i forcave politike antireformë ,apo do të pranohet varianti qeveritar, se ku mund të jenë vijat e kuqe nga ku nuk do të ketë terheqje nga të dy frontet , se ç‘rol do të lozë në finale forca e tretë politike ,në se ajo, do t’i bashkohet reformës , si ka deklaruar publikisht apo , do të fshihet nëpër skutat e antireformës , e justifikuar se po punon për konsensusin e madh? Po forcat e vogla politike ç‘qëndrim do të mbajnë ndaj reformës ? Do të vazhdojnë ato , të mbeten satelitë të aleatëve të tyre politikë, apo do të ngrihen mbi interesat partjake , për të ndërtuar nje shtet të vërtetë ligjor ,një sistem të shëndoshë politik ,një demokraci ku të sundojnë liria dhe e drejta . Por , pyetjet dhe bastet mes shqipëtarëve vazhdojnë edhe më tej . Në kushtet kur mungon konsensusi shqiptar ,deri në ç‘masë do të shtrihet presioni ndërkombëtar ,cilat do të jenë kufizimet ,masat dhe vijat e kuqe ku nuk do të lejohen të shkelin politikanët antireformë ,në se do t’u ofrohen atyre garanci dhe siguri për krimet e bëra ,në shkëmbim të miratimit të reformës? Po opozita e deklaruar si kundërshtare e reformës do të shkojë në bllok në këtë akt të turpshëm dhe antikombëtar ,apo brenda saj , do të gjenden edhe politikanë që do të kundërshtojnë dhunën dhe frymen e komandimit të lidershipit të kësa partie,duke e miratuar këtë reformë?
Meqënëse , faktori ndërkombëtar është prezent në këtë reforme dhe në kushtet kur dështimi i saj nuk duket shumë befasues , atëher, ç‘vend zë në preferencat e tyre referendumi popullor si mundësi e imponuar, por dhe shumë demokratike? Se, a nuk do të ishte kjo që në fillim të herës zgjidhja më e mirë për të shmangur këtë fëlliqësi , të pjellë nga , mafja politike shqiptare?
Para se të merrnin rolin e negocjatorit në këtë iniciativë ,me sa duket ata e nënvleftësuan , natyrën e kriminalizuar dhe banditeske të politikës dhe politikanëve shqiptarë që pa frikë duhet thënë se ata janë vetë mafja dhe krimi në shqipëri . Eksperimenti i ndërmar rëprej tyre në Shqipëri , për reformën në drejtësi ,duke ju referuar ligjeve të logjikës formale ,për shmë njerëz ,do të ishte i dështuar që pa nisur .Taktika e tyre e gabuar duke pasur si qëllim vëllazërimin e kontradiktave antagoniste ,pajtimin e të kundërtave ,ndërtimin e një bashkjetese mes djallit dhe engjëllit ,mes ujkut dhe qëngjit ,mes vrasësit dhe viktimës ,mes përbindëshit shtet dhe sklleverve të cilet , për njëzetepesë vjet kan qënë të vjedhur ,të vrarë dhe të skllavëruar prej tyre ,nuk ishte shumë e zgjedhur . A është normale dhe llogjike që vrasësve të 21 janarit ,tu jepet e drejta dhe licensa të hartojnë dhe miratojnë ligje për dënimin e krimit të vrasjeve kur nga mëndja dhe duart e tyre të përgjakëshme u realizuan ato krime? Eshtë normale kjo ? Po ,kryehajdutët dhe mafjozët që drejtonin dhe drejtojnë akoma njëherësh edhe politikën shqiptare edhe korrupsjonin e trafiqet , a mund t’u besohet reforma në drejtësi ?A mund të na thonë diplomatët e huaj se në cilin vend demokratik në botë ,kriminelët dhe vagabondët politik janë afruar për të bërë ligjin dhe shtetin ? Pse ky kompromis i çartur lejohet prej tyre në Shqipëri ? E themi këtë se fjala dhe autoriteti i tyre ndihet shumë në Shqipëri . E ngritën fort zërin ata ndaj disa kriminelëve ordiner që kishin mbritur deri në parlamentin shqiptar duke e kriminalizuar politikën dhe vërtet këta kriminelë ordinerë disi u tkurrën . Por, çuditërisht u heshtë prej këtyre diplomatëve , për kryekriminelet që e kanë zënë për fyti politikën ,duke e kriminalizuar deri në pore , sistemin ekonomiko shoqëror shqiptar, ku krimet e tyre nuk mund t’i mbulojë dotë as një llojë errësire . Askush prej diplomatëve për këtë kategori kriminelësh , nuk reagoi , duke u fshehur , pas të të ashtëquajturave, norma diplomatike ,duke rekomanduar se çështja e tyre është punë e drejtësisë , të asaj drejtësie që sot , ata kërkojnë ta përmbysin . Pse u përdorën standarte të tjera në dënimin e kriminelëve ordinerë dhe të tjera ndaj kryekriminelëve ? Të parët kërkohet me të drejtë të dënohen , ndërsa ndaj të tjerëve heshtet ,trajtohen si kriminelë të mbrojtur nga veladoni i politikanit . A nuk është pjesë e llogjikës formale dhe që kuptohet edhe nga fëmijët e shkollës fillore ,se vrasësi ,hajduti ,krimineli , prostitutat politike ,kurrë nuk mund të miratojnë ligje që i shpien ata në qeli? Kaq budallenj I quajnë ndërkombëtarët , politikanët tanë hajdut dhe mafjozë ,që ata , pas krimeve të bëra prej tyre , të kërkojnë të futen në hapsanë?! Ata ,mund ta futin Shqipërinë në burg ,ta hedhin në greminë ,ta shesin si plaçkë tregu ,të kryejnë genocide dhe terror si në 97-tën ,të vrasin njërëz ,në emër të parajsës të fituar prej tyre , përmes terrorit ,vjedhjeve dhe banditizmit shtetëror , t’i vënë flakën edhe rajonit , por kurrsesi se u shkon në mëndje të dënojnë vetveten për krimet e bëra . T’u kërkosh këtyre monstrave të mafjes politike shqiptare të hartojnë dhe miratojnë reformën në drejtësi , sic bëjnë ndërkombëtarët ,është njëllojë sikur Hitlerit ,Pinocetit ,Kadafit ,Bin Ladenit ,etj, t’u jepej e drejta që pas krimeve të kryera prej tyre ndaj njerëzimit , ata ,të ishin autorët e hartimit të sistemit të drejtësisë për dënimin e krimeve të bëra prej tyre . A mund të pritej drejtësia në këtë rast ?Pse kaq tolerantë ndërkombëtarët , me hitlerët , pinocetët , kadafët dhe bin ladenët shqiptarë, me të cilët ,jo vetëm se është ulur në tavolinën e bisedimeve ,por me një llojë përulësie ,u bën temena ,u kërkon atyre konsensus , u lutet të miratojnë reformën në drejtësi . Një reformë drejtësie e miratuar më pjesmarrjen e tyre ,do të jetë e dështuar ,pa forcën e duhur për të çrrënjosur krimin dhe dënuar kriminelët .Ajo , do të jetë një kompromis vrasës për demokracinë ,ku edhe kryekriminelët të mos preken ,por edhe drejtësia të duket se po rilind , po del nga mjergulla feudale ,edhe pse kjo drejtësi nuk ka asgjë të përbashkët me kulturën dhe demokracinë e vërtet liberale . Referendumi popullor me sa duket do të ishte , zgjidhja më e pranushme ,për të shmangur gjith këtë tallava shqiptare .Pse kjo , vazhdon të quhet herezi ,kur është rruga më e përshtatëshme për tu hequr të drejtën të inkriminuarve për t’u paraqitur si faktor i reformës në drejtësi?!
Agron BERDAJ
