– Përshëndetje! Ju lutem më ndihmoni me ëndrrën time. Shikoj në ëndërr kuaj të kuq dhe të mëdhenj, por edhe një kalë të bardhë që më ndjek kudo dhe më godet. Dua të di, çfarë kuptimi kanë këto ëndrra? Faleminderit.
– Kali vetë përfaqëson forcën, energji fizike, dëshirë për të jetuar i lirë, fisnikëri e në shumë raste, arratisje; kjo varet gjithnjë nga përmbajtja e ëndrrës. Në rastin konkret, ëndrra tregon që keni dëshirë të ndiheni i/e fortë dhe në të njëjtën kohë, i/e përkrahur nga persona të fortë. Kali i bardhë paralajmëron lajme pozitive, por në të njëjtën kohë, ju këshillon të zgjoheni, sepse shpesh ju vijnë shanset dhe ju u jepni shqelmin. Tregoni vëmendje, sepse mund t’ju ikin shumë lehtë shanset në jetë, në çdo fushë. Kuajt e kuq tregojnë nevojën për dashuri, mbrojtje dhe një person të fortë në krah. Kjo do t’ju bëhet realitet, por duhet të dini ju ta kapni rastin pa ju ikur nga duart.
