– Mbrëmë pashë në ëndërr sikur po më dilte gjak nga hundët. Më e çuditshmja ishte se personat që kisha afër as që u munduan të më ndihmonin që ta ndalja gjakun. Unë i shikoja e zhgënjyer sepse tregoheshin indiferentë ndaj meje.
– Ëndrra tregon që jeni shumë konfuze dhe keni arsye për këtë gjë. Humbja e gjakut do të thotë humbje e vazhdueshme e forcave tuaja dhe shpresës që dikush mund t’ju ndihmojë. Zgjidhja qëndron vetëm brenda jush, në rirregullimin e aftësive dhe mundësive tuaja. Duhet të vini rregull në jetën tuaj. Filloni të seleksiononi personat të cilët ju sjellin vetëm gjendje negative dhe më pas jepini kurajo vetes duke menduar se keni lindur vetëm dhe duhet të mbështeteni vetëm te forcat tuaja. Kjo ëndërr është edhe një shenjë që tregon se keni një karakter shumë të fortë.
