– Çfarë kuptimi ka të shikosh shqiponjën në ëndërr? Në fakt, m’u duk sikur isha në fermë sepse më pas pashë pula, lepuj dhe në fund, kalin. Gjithandej më ndiqte kjo shqiponjë.
– Shqiponja në ëndërr ka shumë kuptime, por në rastin tuaj ajo tregon se ju kanë ardhur ose do t’ju vijnë lajme nga larg. Këto lajme kanë lidhje me një person të familjes suaj dhe do ta gëzojnë atë. Pjesa tjetër e ëndrrës, në të cilën keni parë pula dhe lepuj, tregon frikë nga disa vendime që do të merrni. Do të kaloni nga njëra gjendje shpirtërore në tjetrën, por në fund do të merrni vendimin e duhur, sepse keni parë kalin i cili përfaqëson forcën, vendosmërinë e fisnikërinë. Edhe shqiponja në këtë rast është pozitive e sjell lajme të mira, pasi ju ka ndjekur gjithandej.
