– Përshëndetje Doktor Evi, jam Marseli nga Korça, i martuar prej tre vjetësh dhe nuk kemi fëmijë. Na kanë thënë se duhet ta bëjmë me mbjellje. Ku mund të shkojmë, ju lutem?
– I nderuar Marsel, për këtë problem duhet të bëni një vizitë të hollësishme te mjeku androlog apo gjinekolog bashkë me partneren tuaj. Pasi të ezaurohen të gjitha llojet e ekzaminimeve për të parë se ku qëndron problemi që nuk keni fëmijë, atëherë arrihet në fazën e fundit, duke realizuar ardhjen e një fëmije me fekondim in vitro. Megjithatë, ju mund të më kontaktoni personalisht për detaje më të hollësishme ose mund të vini në poliklinikën tonë. Numri im është: 0682213329. Faleminderit.
– Përshëndetje doktor! Jam 25 vjeç. Sa herë kryej marrëdhënie seksuale ose masturbohem, prishem shumë shpejt. Doja të dija, a është normale kjo gjë? Nëse nuk është normale, a ka ndonjë zgjidhje?
– Problemi që ju parashtroni prek shumë meshkuj, ndaj duhet të bëni një vizitë që të zbulojmë shkakun, nëse keni ndonjë problem psikologjik apo fizik. Gjithsesi, duhet të qetësoheni sepse tashmë, mjekësia ka arritur të gjejë zgjidhjen e shumë problemeve dhe problemi juaj është i shërueshëm.
– Jam një djalë 22 vjeç, 1.75 i gjatë. Penisi im është gati 15 cm i gjatë dhe kjo madhësi më pengon që të krijoj lidhje me ndonjë vajzë. A mund ta zgjas?
– Kemi shkruar para disa numrash për këtë temë. Gjithsesi, vitet e fundit është arritur që nëpërmjet disa metodave dhe aparateve të veçanta që do të vijnë shumë shpejt në vendin tonë, madhësia e penisit do të rritet 4-5 cm plus. Madhësia normale e penisit është nga 13-16 cm, kështu që ju e keni brenda normave, prandaj s’keni pse të shqetësoheni.
