Ditarin e jetës shfletova ngadalë
Ditarin e jetës shfletova ngadalë,
Padashje shfletova letrat e dashurisë,
në kohen tonë pa internet vrapoja të dal,
kur postieri trokiste te dera e shtëpisë…
Letra me shkruaje e më premtoje shumë,
E ëndrra ne thurnim për jetën e re.
Ti në veri me shërbim ishe larg nga unë,
E unë në jug letrat prisja me gaz e hare.
Po tani, vallë pse më paske harruar,
letër e asnjë haber s’më ke dërguar?
Dua të di, çfarë të ka zemëruar,
Mos je më mirë larg nesh, ku ke qëndruar?
Ditarin shfletoj e humbas në kujtime,
Aty lexoj shumë e shumë fjalë e premtime,
Ti më premtoje se s’do ndaheshim kurrë,
Po nuk e mbajte fjalën, ndonëse je burrë.
Tani në ditar tre rreshta janë shtuar,
Nga dora jote një mall i përvëluar,
më thua mbushe ditarin edhe tani,
Ke nipër e mbesën, gjithë botën ke ti…
Unë për ty do të jem si diell mes resh,
Kur të më thërrasësh, pranë do më kesh,
Nga unë mësove se ç’është e vërteta,
Prandaj i urreje gënjeshtrat që ka jeta.
Unë s’të gënjeva, po ashtu e deshi fati,
As unë s’jam rehat këtu te ky shtrati,
Ndonëse plagët akoma s’më janë shëruar,
Nga malli po digjem, për ty përvëluar… Luljeta Gjosha Pashollari
Kur të plakem
Kur të plakem, me flokë të thinjur borë e bardhë,
e do kërrusem si një pemë që e rreh era
një bastun do ta kem mik të pandarë
…kujtime dashurie e dhimbjeje ndër të tjera.
Kur të bëhem plakë, e lodhur, e sëmurë.
ndoshta do humbas toruan, kush e di…!
Por do mbaj mend, që gjyshja më thosh’ dikur
…veç u plaksh moj bijë! Angjelina Ndoj
Shiu dhe era, luajnë me çadrën
E bërë qull, hyj të luaj dhe unë
Pranë detit, dola të luaj me dallgët
Me shiun dhe erën, luajta më shumë
Shiu vazhdonte, të binte akoma
Mbi çadrën dhe mua rraskapitur
U kënaqa, tek luaja e bërë qull
Si asnjëherë, se kisha pritur…
E dua shiun dhe erën bashkë
Se kanë, një melodi të bukur
Më kënaq kur personazh bëhem unë
Në lojën e tyre, si një flutur… Fleta Satka
Nuk je këtu
Për ty edhe veten e mohova
Ndërgjegjen lashë në utopi
E kur krejtësisht t’u përkushtova
…ike Ti!
Për ty gjithë botën do ta luftoja
U bëra krejt tjetër njeri
E kur arrita me shpirt të doja
…ike Ti!
Nuk je këtu! Këtu nuk je
Por unë të ndjej çdo ditë më shumë
Në fund të botës, diku atje
Këtu nuk je, por je tek unë…
Ti mban me vete diçka timen
Atë që vetë s’munde të kesh
S’është faji im që prapë të dua
Që m’je në shpirt e do të jesh…
Nuk të merr dot askush nga mua
As shiu, as breshër e stuhi
I bëj shpirt ato që dua
E shpirtin tim s’e merr njeri! Bledi Ylli
Lojë e shtirur
Ndjej të keqen se si rritet
Tek ai, te ti, tek unë
Ndërkohë, e mira përpëlitet
Ndoshta rron’ një ditë më shumë!
Nga sy njerëzish rrjedh mërzia
Endet djalli nëpër kokë
Shohim qiellin… Ja, liria
Po këtu?… Këtu në Tokë?
Ndjej të keqen edhe frikën
Që sundojnë k’të atmosferë
Na e dhanë në duar thikën
Të vetëvritemi dhjetëra herë!
Sa do rrosh nga plagë-frike
Dhe nga ankthi që të mbyt
Në dy anët e një thike
Të jetë shkruar fati yt?!
Mos u tremb nga “lojëra fati”
Se kjo dhunë ka regjisorë
Kurrë paniku mos të t’kapi
Vetes, mos i bëj terror!
Sa mundësi ke të jetosh?
Kur kjo jetë është një betejë
Njëra… duhet të luftosh
O duro e mos u ndjej…
O duro e vdis përditë
Dhe shiko ç’bëhet në botë
Mbaj’ dhe lotët lëmsh në fyt
As të qash s’do mundësh dot!
Sepse frika të than shpirtin
Nuk gjen lot në shpirt të shkretë
Të mbash frikën brenda teje
Është një burg që zgjat përjetë…
Unë jetoj duke shpresuar
Ti, jeto ashtu si unë
Po, në luftë… Duke luftuar
Kush më pak e kush më shumë…
Përveç gërmave, armatime
Mbaj edhe unë një thikë në dorë
Nuk e kam për veten time
Por të dhunës regjisorë! Bledi Ylli24
