– Ne kemi vite që i pajisim kafshët shtëpiake me këto lloj çipesh, pra, që nga vitet 1990. Pse duhen krijuar këto “festa implanti” tani?
– Pa dyshim që teknologjia është e njëjtë, por bota ka ndryshuar shumë që prej viteve ‘90. Çmimet janë ulur. Sot është mund ta blesh një çip për më pak se 35 euro. Objektet elektronike janë gjithkund dhe është normale të dëshirosh të krijosh mjete më të thjeshta dhe të drejtpërdrejta për të ndërvepruar me ta.
– Interesi i këtyre çipëve duket se, për momentin, është shumë i kufizuar…
– Qëllimi është të eksplorohen mundësitë e ofruara nga kjo teknologji e re. Mund të imagjinojmë një sistem zhbllokimi të armëve të zjarrit vetëm nga pronari i tyre, me anë të njohjes së çipit. Ne kemi zgjedhur të përdorim një lloj çipi të ndryshueshëm dhe të pranueshëm nga të gjithë, pikërisht për t’iu përshtatur këtyre përdorimeve të reja.
– Këto çipe nuk paraqesin probleme sigurie?
– Shqetësimet e lidhura me piratimin e tyre janë të tepruara, sepse duket të afrohesh të paktën 10 cm nga çip (pra, nga lëkura), për ta zgjuar dhe lexuar informacionet e tij. Megjithatë, ju e keni vetë në dorë nëse doni apo jo të përdorni këtë teknologji. Ne duhet të sigurohemi që objektet dhe vendet e ndryshme të jenë të përdorshme nga të gjithë, nga ata që kanë dhe ata që s’kanë çip, sepse trupi ynë na përket vetëm neve.
Intervistë me Hanes Sjoblad
