Përbërësit:
3 vezë të mëdha
1 filxhan vaj
1 ¼ filxhan sheqer
½ filxhan sheqer kaf
1 lugë gjelle ekstrakt vaniljeje
3 filxhanë miell
1 lugë kafeje kripë
1 lugë çaji kanellë e grirë
1 lugë çaji sodë buke
1 lugë çaji pluhur pjekës
¼ lugë çaji arrë myshku e grirë
3 e ½ filxhanë me kunguj të grirë trashë
1 ¼ filxhanë tërshërë
3 lugë gjelle sheqer
1 filxhan me arra (nëse i dëshironi)
Përgatitja:
Ngroheni furrën në 170 gradë celsius. Lyeni me vaj dhe vini letër furre në dy forma keku të stërzgjatura, duke e nxjerrë letrën edhe jashtë. Nëse përdorni arra, atëherë vërini për t’i pjekur në forma, dërisa të lëshojnë aromën e tyre, 8-10 minuta. Lërini të ftohen dhe pastaj grijini trashë.
Rrihni vezët, vajin, sheqerin e bardhë, sheqerin kaf dhe vaniljen në një tas të madh, derisa përzierja të bëhet homogjene. Përzieni edhe miellin, kripën, kanellën, sodën, pluhurin pjekës dhe arrën e myshkut. Bëni një vrimë në mes të përbërësve të thatë dhe hidhni aty ata të lëngshëm. Përziejeni brumin me një pirun (brumi do të duket i thatë). Shtoni aty kungujt, arrat e një filxhan tërshërë dhe masën hidheni nëpër forma. Përzieni 3 lugët e mbetura të sheqerit me ¼ filxhani tërshërë në një tas të vogël dhe hidhjani përsipër brumit. Piqini në furrë afro 70-80 minuta, derisa një kunj i futur në qendër të kekut të dalë i pastër. Lërini tavat të ftohen për 30 minuta, pastaj hiqeni me kujdes kekun dhe lëreni të ftohet krejtësisht, para se ta konsumoni.
