Zëri i jashtëzakonshem dhe këngët e saj kanë rrokur në endje të ngrohta shpirtrat e dashamirësve që e duan. Ata e mbështesin në çdo hap e kjo duket në të gjitha postimet e saj në rrjete sociale dhe numri i madh i aktiviteteve që ka. Govi është kaq e pranishme në dasma dhe koncerte sa për këtë intervistë na u desh të prisnim gjatë.
– Govi Reka, faleminderit që më në fund e gjete kohen të të kemi në një intervistë, që nga hera e fundit ka kaluar shumë kohe.
– Faleminderit juve për ftesën. Është kënaqësi të jem sot me ju në ktë intervistë.
– Govi, ke sjellë një numër të madh këngësh ku secila prej tyre vlersohet si vlerë në artin shqiptar duke qënë se edhe vokali jot është tipik shqiptar verior por edhe këngët u kushtohen vendeve të ndryshme Shqiptare, pse kjo zgjedhje?
– Sepse ne kemi nevojë tu përcjellim brezave tabanin shqip i cili po mungon rëndomt e kur të vijë fundi në të gjitha gëzimet tona familjare me këto këngë kërcejmë e gëzojmë, pra me tabanin tonë.
– Cilen këngë e pozicionon si këngën tënde më të suksesshme?
– Secila prej tyre ka suksesin e vet e me thënë të drejten jan pritur të gjitha mirë. Nuk di ti ndaj, kam një numër të madh këngësh në treg që i kam kënduar.
– Kush janë bashkëpunëtorët e tu më të mirë?
– Bashkëpunëtoret e mi janë të gjithë të mirë e smund ti ndaj, ktë e tregon edhe suksesi im. Tek secila studjo që kam qënë kam pas sukses. Pjesën më të madhe të këngëve të mia i ka krijuar Pjetër Kola me tekst e muzikë, të cilin do t’a cilësoja si një artist me një botë të madhe në fushen e krijimtarisë. Po ashtu edhe produksioni Eurolindi është një nga bashkëpunorët e mi që do e veçoja me kënaqësi.
– A ke pasur përkrahje për të arritur këtu ku je sot?
– Unë kam punuar shumë për të arritur këtu ku jam, nëse nuk punon nuk të përkrah askush. Në asnjë fushë të jetës nuk gjëndet rruga e shtruar me tapet të kuq, secili prej nesh sakrifikon shumë për të pasur sukses në punën e vet. Përkrahjen më të madhe e kam pas nga artisti Zef Beka të cilin e falënderoj.
– A janë munduar të tjerët të hedhin gur në rrugën tënde?
– Po, dhe për këtë i falenderoj. Unë i bëra shkallë ato gurë dhe u ngjita avash avash, kam ende rrugë për të bërë.
– A ka ndonjë sekret suksesi jot?
– E para për të pas sukses duhet të kesh talent, ndryshe nuk mund të jesh ktu ku jam unë e ky është fakt i suksesve të njëpasnjëshme. Jam marrë gjithmonë me punët e mia, s’kam kopjuar kurrë askënd dhe shpirti im është i pastër. Kam qenë shumë e zënë duke u mar vetem me punët e mia . Nëse këto janë shkaku i suksesit i ftoj artistët e rinj ti ndjekin hap pas hapi .
-Të shohim cep më cep të botës me koncerte, si do na e përshkruash ndjesinë që të japin koncertet nëpër botë?
– Nuk e di nëse ka ndonjë mënyrë për të bërë përshkrimin e duhur, ama di të them që dashuria dhe lumturia që me japin ata që më duan me jep jetë. Shqiptarët nëpër botë gëzojnë në çdo koncert me shumë dashuri e mall . Thjesht i dua.
– Sezonin veror të shohim në çdo skaj të shqiptarisë nëpër dasma, si i menaxhon çdo ditë? Duhet të jetë tepër e lodhshme…
– Ajo çka është më e bukura unë nuk e ndjej lodhjen gjatë dasmës, nga dashuria që mar në çdo dasem. Vetëm pasi mbaron kuptoj që kan kaluar 6-7 orë.
– Kemi folur vetëm për punën, na fol diçka për kohen e lirë…
– Koha e lirë? Hhmmm, pak është por aq sa është u dedikohet vetëm fëmijëve të mi, familjarëve të mi e miqve.
– A kemi projekte të reja apo bashkëpunime?
– Sigurisht që po, edhe këngë të reja edhe bashkëpunime të reja.
– Govi, a ke një mesazh në fund të ksaj interviste për të gjithë ata që duan zërin tënd?
– Ju jeni frymëzimi im, pa ju s’do isha asgjë. Ju dua e nëse do kem shëndet e jetë do jem gjithmonë duke sjellë për ju këngë të reja. Jam me fat që ju kam.
– E dashur Govi, ne të falenderojmë shumë për kohen që na kushtove, je një njeri që pas çdo bisede me ty lë pozitivitet.
– Faleminderit juve, jeni shumë të mirë e siç e them përherë jeni zëri unë tek ata që na ndjekin. Kënaqësia e imja të isha sot me ju.