Këngëtari me origjinë shqiptare, Gashi është në kulmin e karrierës së tij. Çdo këngë që ai lançon , kthehet menjëherë në hit. Mirëpo, ai ka tërhequr vëmendjen e fansave edhe nga stili i veçantë i veshjes.
Së fundmi me anë të një postimi në rrjetet sociale, Gashi ka treguar se ishte pikërisht stili i tij, që e penalizoi në një bashkëpunim që ai kishte ndërmarrë me një kompani që do ta ndihmonte financiarisht me klipin e tij.
Këngëtari është shprehur se kishte menduar që në video të shfaqej me një fustan, por me sa duket, për kompaninë kjo ka qenë e papranueshme, çfarë e bëri atë të heqë dorë nga bashkëpunimi me Gashin.
Gashi ndihet i zhgënjyer, pasi jemi në vitin 2020-të dhe ende ekzistojnë gjykime të tilla, mbi të gjitha për një artist.
