– Doktor Evi,
ju lutem, a mund të më thoni se kur ngelesh shtatzënë më lehtë,
në çfarë periudhe?
Jam e lidhur me një djalë prej dy vjetësh, por ai s’po e merr mundimin ta bëjmë zyrtare lidhjen, kështu që dua të ngel shtatzënë, edhe pse ai nuk do.
Dr. Evi Dani, seksolog-androlog, Poliklinika Qendrore, 0682213329:- – Së pari, nuk më takon muaj t’ju gjykoj, por mënyra se si keni menduar të ngelni shtatzënë, për të futur në njëfarë mënyre në “kurth” djalin që doni, nuk është zgjidhje e shëndetshme. Çdo gjë bëhet me bashkëpunim dhe me dashuri. Pastaj, ai mund të jetë nga ata tipa që edhe nëse ngelni shtatzënë, përsëri nuk i merr përgjegjësitë e veta. Gjithsesi dalim tek ajo çfarë ju kërkoni. Për të ngelur shtatzënë, duhet të dini ditët e ovulimit. Nëse ju keni një cikël menstrual të rregullt, një herë në 28 ditë, atëhere në ditët e 10-14 të ciklit është piku i ovulacionit. Shumica e femrave lirojnë një vezë në çdo cikël menstrual dhe kjo ndodh gjatë këtyre ditëve. Nëse ju nuk i llogarisni dot vetë ditët e ovulacionit, do t’ju këshilloja të bëni një konsultë me një gjinekolog. Në qoftë se e keni me nxitim të ngeleni shtatzënë, atëherë jeni në ankth gjatë gjithë kohës dhe në këtë mënyrë është e vështirë ta arrini qëllimin tuaj. Hipotalamusi është një gjendërr në tru që rregullon hormonet e ovulacionit dhe, nëse ju jeni nën stres, ai nuk funksionon mirë, ju nuk do të keni ovulim të rregullt apo cikël normal menstrual. Prandaj është e nevojshme në këtë rast konsulta me gjinekologun.
