Jam 27 vjeçe dhe më irritohet lëkura nga aromat,
aromat e parfumit,
kundradjersës madje dhe e kondomëve, më skuq dhe më irriton lëkurën.
E kam provuar kur kam qenë pushim në shtëpi që të mos përdor as parfum as antidjersë dhe prezervativëve i kam gjetur zgjidhje duke i përdorur oral dhe kam qenë shumë mirë por sa filloj përdorimin e produkteve më sipër më fillon përsëri irritimi. Tani këto janë gjëra normale dhe nuk mund ti shmangësh ndaj dhe po ju shkruaj nëse ka ndonjë medikament kundra alergjisë ndaj tyre? Faleminderit
Dr. Shk. Erjola Piluri (Ziu), alergologe: Përshëndetje! Fillimisht ju duhet të drejtoheni pranë një mjeku alergolog në mënyrë që të kryeni Patch testin; testi i duhur i alergjisë për rastin tuaj. Në rast se rezultati i këtij testi alergjie, konfirmon dyshimin tuaj; pra që ju jeni alergjike ndaj fragrancave (parfumeve), atëherë zgjidhja juaj mund të jetë përdorimi i linjave të produkteve të kujdesit të përditshëm apo të produkteve të kozmetikës pa fragrancë; të ashtëquajturat “fragrancë free”. Ekzistojnë në treg firma të shumta kozmetike që prodhojnë produkte të tilla, ndaj jam e sigurtë që do arrini të gjeni linjën e produkteve ideale për ju.
