Përshëndetje doktor. Jam një grua 58 vjeçe nga Tirana që kam bërë një koronarografi tek spitali Nënë Tereza dhe më kanë nxjerrë me tre enë të ngushtuara dhe më kanë lënë që të më bëjnë bypass në një etapë të dytë brenda një muaji. Jam shumë e frikësuar dhe nuk di si ecin këto ndërhyrje. Faleminderit.
Dr.Taulant Gishto, kardiolog, klinikaustriake@gmail.com, Rruga 5 maji kompleksi Concord, Tiranë, 0674744777/ 0662770750:- Përshëndetje! Ju jeni një paciente e programuar për bypass. Kjo është një proçedurë që aktualisht është bërë rutinë në QSUT ndaj mos u shqetëso për këtë pjesë. Një përqindje të përafërt të riskut nuk mund t’ju japë pasi për ta bërë këtë duhet të kem të gjithë parametrat kardiake ku më të rëndësishmit janë diametrat e zemrës, pra ka apo jo zemër të zmadhuar dhe funksioni kardiak. Një element shumë i rëndësishëm është edhe prania ose jo e sëmundjeve bashkëshoqëruese. Pra, nëse jeni apo jo diabetikë dhe nëse keni ose jo probleme me veshkat. Sëmundjet bashkëshoqëruese janë një element shumë i rëndësishëm për të përcaktuar riskun e mundshëm të proçedurës. Megjithatë mund t’ju them me plot gojë që rezultat që kanë kardiokirurgët tanë janë shumë të mira dhe duhet të jesh shumë optimist për vazhdimin. Gjatë kësaj kohe ju rekomandoj mos të bëni sforcime të tepruara dhe të merrni rregullisht mjekimin e përcaktuar pas daljes nga spitali. Nëse gjatë kësaj kohe ju shfaqet një dhimbje gjoksi që ju shqetëson duhet të lidheni menjëherë me kardiologun tuaj apo të prezantoheni urgjentisht në urgjencën e Tiranës apo në urgjencën e QSUT. Për këshillat e ndjekjes post operatore do ju sqaroj kirurgu që do ju operoj si edhe reanimatoret që do bëjnë ndjekjen pas operacionit. Të shkuara zonjë dhe suksese në ndërhyrje.
