– Përshëndetje. Kam probleme me erën e keqe të gojës. I laj dhëmbët përditë dhe nuk kam asnjë dhëmb të prishur. Nuk pi cigare, prandaj habitem se nuk e di ku e kam problemin. Më vjen turp t’i flas ndonjërit nga afër. Ju lutem, më ndihmoni. Ana
Dr Nevila Lëngu, gastro-hepatologe, QSUT :- E dashur Ana duhet të kryeni konsulte me mjekun otorinolaringolog për të perjashtuar patologji të fytit apo sinuseve. Nëse keni problem me mishrat e dhëmbëve duhet të konsultoheni me stomatologun tuaj. Besoj jeni në moshë të re dhe nuk besoj të keni probleme të traktit urinar, respirator apo çrregullime të vlerave të glicemisë. Nëse arsyet e sipërpërmendura përjashtohen duhet të fokusohemi te aparati tretës. Ju rekomandoj fece parazit dhe për Helicobacter pylori. Për dy javë ju rekomandoj gismotal 200 mg 3 herë 1 tabletë në ditë para çdo vakti ; protech 40 mg 1 tabletë esëll, Yovita 14 flakone 1 flakon çdo mëngjes esëll dhe psylloial 14 paketa, 1 paketë të paktën 1 orë pas vaktit të mëngjesit. Nëse jetoni në Tiranë mund të më kontaktoni në Poliklinikën e Specialiteteve nr 1.
