Këngëtarja Nertila Selmanaj, Në Pritje Të Ëmbël!

Nertila Selmanaj, këngëtarja fierake e këngës popullore, duket se ka lajme të mira. Edhe pse është munduar që ta mbajë sa më larg publikimit këtë lajm, gazetarët tanë e kanë pikasur në foto, gjatë xhirimeve të klipit të ri, që Nertila është në pritje të ëmbël. E kontaktuar nga ne, ajo nuk mundi ta fshihte më por tregoi se është shtatzanë dhe se kur të lindë bebi ajo ka vendosur më partnerin e saj, që të kurorëzojnë dashurinë. Nertila, nuk ka bërë ende një shkëputje nga ngarkesa e eventeve apo gëzimeve familjare ku ka qenë ftuar, por do ta bëjë shumë shpejt. Këngëtarja ka sjellë shumë këngë e ka pasuruar muzikën shqiptare, por këtë herë ka vendosur që të pasurojë jetën e saj, sepse me ardhjen e një fëmije, jeta sigurisht bëhet më e bukur!