– Isha në shtëpinë time dhe doja të shkoja diku, por nuk po i gjeja më këpucët e mia. E acaruar iu drejtova motrës sime, duke e akuzuar se mund të kishte marrë këpucët e mia. Më ndodh shpesh të më humbin këpucët apo sandalet në ëndërr. Çfarë do të thotë kjo?
– Përgjithësisht, këpucët në ëndërr tregojnë mënyrën se si çani ju në jetën reale, si i përballoni gjërat etj. Nëse e shikoni veten duke mbathur këpucët, tregon se jeni person me këmbë në tokë dhe jeni shumë besimtar. Nëse i humbni këpucët siç ju ka ndodhur edhe ju, kjo tregon se ju jeni në kërkim të identitetit tuaj, në kërkim të vetvetes, sepse nuk e dini se çfarë kërkoni, nuk e dini se ku doni të shkoni. Pra, me pak fjalë, ndiheni si në udhëkryq dhe nuk po dini t’i jepni një drejtim jetës suaj. Për ata që janë të martuar dhe shohin që humbin këpucët, nuk është ëndërr pozitive sepse ka lidhje me partnerin. Mund të humbisni besimin ju ose ai, ose mund të keni një krisje të marrëdhënies, që kërkon ndërhyrje të menjëhershme.
Humba këpucët
