– Në ëndërr pashë sikur do të shkoja në Francë dhe më humbi bileta. U ktheva në shtëpi e tmerruar dhe kërkoja gjithandej, por nuk e gjeta. Kur dola jashtë, gjeta një biletë tjetër dhe mendova se mos ishte e imja, por në fakt, ajo kishte destinacion tjetër, edhe pse emri ishte i imi. E çuditur, e mora në dorë dhe po mendoja: “Po unë do shkoja në Francë, si ka mundësi që e kam prerë për shtet tjetër, por nuk e mbaj mend?”. Pres një shpjegim.
– Një ëndërr e tillë tregon se ju ndiheni si në një udhëkryq. Merrni shumë oferta, por në të njëjtën kohë, nuk e dini nga të shkoni. Jeni futur në një stres të paparë me veten tuaj. Sa vendosni për diçka, ju prishet menjëherë. Është momenti të qetësoheni dhe t’ia lini fatit në dorë që të vendosë, ama ajo çfarë duhet të bëni ju është: nëse ju jepet një shans apo një ofertë e mirë, mos e refuzoni, sepse mundësitë ju jepen vetëm një herë në jetë. Humbja e biletës, rigjetja, por në një vend tjetër, do të thotë që shumë shpejt do të ketë një ndryshim në jetën tuaj, vetëm se ju do të frikësoheni shumë dhe kam frikë se do t’i prishni gjërat me dorën tuaj. Kujdes, mos i humbisni shanset që ju jepen.
Humba biletën e avionit
