– Përshëndetje doktor, kam një problem me penisin, që nuk fryhet normalisht dhe nuk mund të bëj marrëdhënie, sepse e humbas menjëherë ereksionin. A ka ndonjë zgjidhje për këtë problem?
Dr. Evi Dani, seksolog-androlog: – Në bazë të të dhënave që na jepni, ju po kaloni një impotencë seksuale (disfunksion erektil). Shkaqet janë me natyrë psikologjike apo organike. Kur themi me natyrë psikologjike, shkak mund të jetë një faktor i jashtëm psikologjik që ndonjëherë edhe nuk mund ta kuptosh, por që mund të bëhet shkak e të vazhdojë ndoshta edhe 15 vjet pa kryer një marrëdhënie seksuale, siç kemi patur rastet tona klinike.
– Faktori organik është më i komplikuar, ai ka të bëjë me një sëmundje. Diabeti dhe marrja e ilaçeve për mjekimin e tensionit, arteroskleroza e enëve të gjakut apo një shkaktar tjetër, mund të bëhet shkak për mosfryrjen e penisit, pra, ereksionin. Sidoqoftë, mos e vuani këtë problem, por paraqituni te mjeku androlog sepse ky lloj problemi është pothuajse 100 % i zgjidhshëm. Jeni i mirëpritur!
