Forma A
Nëse keni gisht tregues të formës A, ju keni tendencë t’i fshihni ndjenjat tuaja. Ju silleni sikur jeni më të fortë dhe të pavarur sesa jeni në të vërtetë, sepse kërkoni që njerëzit të kenë këtë imazh tuajin në mendje. Keni tendencë të jeni të ndershëm dhe nuk ju pëlqejnë gënjeshtarët. Ju mund të jeni të ndjeshëm dhe keni prirje të jeni zemërmirë. Jeta juaj është e mbushur me të qeshura dhe keni një zemër të madhe, megjithëse zhgualli që ju mbështjell, është pak i fortë. Herë pas here mund të jeni ekscentrikë.
Forma B
Nëse keni gisht tregues të formës B, ju nuk keni shumë besim në vetvete dhe e keni problem t’i afroni të tjerët, sidomos të panjohurit. Ju bini lehtë në dashuri dhe jeni besnikë, duke u dhënë gjithë vëmendjen njerëzve që janë të rëndësishëm në jetën tuaj. Megjithëse nuk jeni shumë të shkathët, këmbëngulja është emri juaj i dytë. Kur vendosni të bëni diçka, ju i futeni punës pa pasur frikë se do të dështoni apo do të lëndoheni.
Forma C.
Nëse keni gisht të formës C, ju jeni një engjëll i vërtetë. Ju prekeni shpejt, jeni të ndjeshëm dhe i largoni nga vetja pa hezituar gjërat që ju zemërojnë. Ju reagoni ashpër ndaj mungesës së ndershmërisë dhe nganjëherë tregoheni autoritarë. Keni zemër të ndjeshme, doni të shpëtoni gjithë njerëzimin dhe të siguroheni se të gjithë janë të lumtur në jetë.
Ja edhe disa karakteristika të tjera të gishtave:
Gishta të shkurtër: Ju mendoni shumë, jeni të organizuar dhe të saktë. U ngjallni të tjerëve besim dhe shkëlqeni në profesionet shkencore dhe si nëpunës.
Gishta ta gjatë: Ju keni durim, këmbëngulje dhe logjikë. Gjithashtu keni një imagjinatë të zhvilluar.
Gishta të trashë: Ju jeni mjaft materialistë dhe keni sens praktik. Kjo kompenson një lloj tendence për dembelizëm.
Gishta të hollë: Është shenjë e një idealizmi të theksuar dhe ndjeshmërie të madhe. Ju jeni altruist dhe i sjellshëm.
