– Para dy netësh kam parë një ëndërr që më ka ngelur në mendje. Pashë sikur m’u afruan tre meshkuj dhe më jepnin çelësa. Dy nga ata i njoh dhe njëri nga ata më dha çelësat e shtëpisë së tij, ndërsa ai që nuk e njihja, ndonjëherë më dukej si jashtëtokësor. Edhe ai më dha çelës, por në fakt, iku me motrën time. Çfarë parashikon kjo ëndërr?
– Çelësat nëpër ëndrra përgjithësisht përfaqësojnë mundësitë që ju jepen në jetë, lirinë, njohuritë, kuriozitetin për të gjetur përgjigjen e gjithçkaje që ju mundon apo që nuk e keni gjetur gjer tani. Nëse keni patur probleme, tani do t’i zgjidhni në mënyrë të papritur. Djemtë që shikoni janë propozimet që do të keni edhe nga ana personale. Zgjedhja do të jetë në dorën tuaj. Djali jashtëtokësor përfaqëson idetë dhe imagjinatën tuaj, edhe lidhur me motrën. Keni ëndrra edhe për të dhe dëshironi që t’ia realizoni. Duke qenë se tani keni fat, çdo gjë është e mundur.
