Sa shumë njerëz të kësaj toke!
Sa shumë frymë brenda një jete
Shkelim dheun e një bote
E gjithkush një botë më vete!…
Egoizmin sot hidh tutje
E mos mbaj mëri më kot
Dashuri dhuro dhe puthje
Atë që ka nevojë kjo botë…
Hiq mërzinë që mban për dore
Harroji hallet për një ditë bëje jetën më gazmore
Edhe për pak do ik’ ky vit… Bledi Ylli
Nënë, ti je dritë
Kthehesh në fllad, kur kam nxehtë
Kthehesh në zjarr kur kam ftohtë
Në dritë kthehesh kur nuk shoh!
O nënë, më e shtrenjta në botë!
Jo, ti s’je fllad e nuk je zjarr,
Ti s’je diell e as hënë
Por jetën time
Ti e ndriçon me emrin: “Nënë!”
Me shumë urime për nënën Margarita, për ditëlindjen
Alban Arapi
Ti mendon…
Se unë qaj akoma, për Ty
tha ajo, me sy të përlotur
gabuar je, gjer
në palcën e trurit tënd.
Sa dëshirë kam, aty
të shkund tymin e cigares…
ku dashurinë nisa,
pasi vdekur kisha për ty
shumë herë…
dhe shumë herë ardhur, kisha
në jetë, po prapë për ty,
tashmë nuk kam më kohë
të kalbëzohem, nga myku i lotëve
dhe të jap borxhe pa kthim
Atë dritë, ku Zoti,
më fali në sytë e mi
e dua për vete,
nuk kam kohë më
t’jem mëkatare
dhe të bëhem
fener i vuajtjeve të mia…
por.. .do ndizem si një xixëllonjë
në qiellin e natës,
e të kthehem në një yll,
për t’u bërë dritë
në errësirën e shpirtit tim! Fleta Satka
Syt më janë venitur
Nuk kanë më shkëlqim
Duart më dridhen të të shkruajnë
kanë dëshirë,
Shpirti më është ftohur
pa tënden ngrohtësi…
Buzët më janë tharë
për një puthje nga ti. Oskeola Hazizaj
Vargjet dashurore
Vargjet dashurore si të marra
U arratisen bashkë me ëndrrat e mia
Diku nëpër Gramoz apo tutje më larg
Nga koha dhe vetja të shqyer
Sot kur lexoj librin tim të rralluar
Dal në breg me vela të copëtuara
Anija fantazëm me vargje ngarkuar
Hedh spirancën në shpirtin e trazuar. Thodhori Cerro
Ne ditëlindje
Sot u vesha me kostum të ri
Dhe prita urime për ditëlindjen
Nga shoqe, miq të dashur
Nga të gjithë krushq dhe si gjeni
Tërë ditën prita dhe përcolla
Aq sa edhe mosha m’u përgjysmua
Tensioni në arterie m’u rrit
Djersa më rridhte porsi krua
Sot në ditëlindje… Thodhori Cerro
Katja
A e ke parë Ksamilin shpirt
Dashuruar nga Joni blu
Kështu në zemer m’u ngulite
Bashkë me zemren dhe sytë e tu
Nga bregu valët nisen
Endrrat dridhtas mbi to shkojnë
Për ty gjithë mendimet ngrysen
Dhe brengat gjoksin ma shkallmojnë. Thodhori Cerro
Monolog!
Dashuria është një ndjenjë porsi frika, si gëzimi
Të kap lehtë, pakuptuar,
Dalëngadalë te merr “rrëmbimi”!
Vjen si dita ashtu me dritë dhe kur dielli është i fshehur
Veç një gjë, “mos u mahnit”,
Se gjithmonë do t’jesh i dehur!
Dashuria është pasion, që venitet dalëngadalë
Mund të kthehet në urrejtje,
Që asgjë dot nuk e ndal!
Dhe urrejtja sjell gënjeshtrën, që askush fundin s’ia di
“Mos e lër të bëhet ves”
Por më parë largohu “ti”! Bledi Ylli
Sa herë të takoj, moj mike
Sa here të shoh, Ty mikja ime
Më thua veç, “nuk jam mirë”
Por hape zemrën, të hyjë dielli
Mos e mbaj jetën, në errësirë
Se jeta e dimë që është luftë
Për të gjithë, pak a shumë njësoj
Ndaj kur vdes, të qajnë për mirë
Në të gjallë, kush më shumë të mallkojë
Mos m’u mërzit, duke u menduar
Se të shkoi jeta në errësirë
Dikush nuk ka bukë për të ngrënë
Dhe kur e pyet, thotë “jam mirë”
Sa e çuditshme, për disa njerëz
Dashuria, gjithë jetën u mungon
Disa tjerë, jetojnë me të gjitha
Dhe dashuria e tepërt, i helmon
Ndaj kur të vij, e të takoj
Dua të të gjej, me buzë në gaz
Shikoje diellin përreth teje
Dhe hiqe, të shkretin maraz! Fleta Satka