Unaza floriri
– Kam parë në ëndërr sikur kisha vënë në gisht shumë unaza floriri. Çfarë kuptimi ka?
– Do të thotë që do të keni shumë kërkesa për lidhje serioze dhe është në dorën tuaj që të zgjidhni atë të duhurën.
Lulet dhe flutura
– Një natë pashë në ëndërr sikur isha në një vend të panjohur të rrethuar me lule e bimë të ndryshme të bukura. Papritmas, pashë një flutur dhe sapo isha duke e kapur, ajo iku. Ç’do të thotë kjo? Jam 14 vjeç.
– Do të thotë që ju po kaloni një fazë që ka lidhje me moshën tuaj. E ndjeni që po shkëputeni nga bota fëmijërore dhe për këtë, sa ju vjen keq, po aq edhe jeni të lumtur sepse ndjeni që po rriteni dhe jeni kurioze të provoni çdo gjë që i përket moshës suaj. Lulet tregojnë pafajësinë dhe dëlirësinë tuaj, ndërsa flutura tregon që jeni e brishtë akoma, ndaj kini kujdes. Keni ende kohë për të hedhur hapa gjigandë për të provuar gjëra të reja. Shijoni moshën e bukur që keni, mes fëmijërisë dhe adoleshencës. Është një moshë delikate, ndaj mos u shqetësoni shumë për t’u ndjerë e rritur.