Smartphone Honor 7 doli zyrtarisht në tregun amerikan këtë qershor dhe në korrik u konfirmua se në shtator ai do të dilte edhe në tregun evropian. Kështu, prezantimi i tij zyrtar do të bëhet së shpejti në Britaninë e Madhe, por etiketa e produktit është që tani e disponueshme në sitin e Honor Italisë, ndërsa HDBlog.it ka nxjerrë në foto një ekran ku tarifa e shkruar ishte: 349.99. Nëse ky çmim është real, ai do të jetë shumë joshës për konsumatorët evropianë, duke pasur parasysh të dhënat teknike të produktit: Ekran IPS Full HD prej 5.2 inç, procesor octocore 64 bits Kirin 935 me 2.2 GHz, 3 Go RAM, sensor fotosh Sony IMX230 me vetëfokusim dhe rregullim të dritës me 21 MP dhe hapje f/2/0, me kamera ballore 8 MP, me aftësi njohëse të shenjave të gishtave dhe bateri 3100 mAh.
Nëse edhe në vendet e tjera evropiane tarifa e tij do të jetë ajo e tregut italian, atëherë raporti cilësi/çmim do të jetë me të vërtetë mbresëlënës. Nuk është çudi pra se pse në tregun kinez, stoqet e para të Honor 7 mbaruan brenda 2 minutave.
UEFA, jo shumë pro teknologjisë në Euro 2016
UEFA po reflekton ende në lidhje me përdorimin apo jo të teknologjisë në vijën e golit në EURO 2016, në Francë. Kështu është shprehur të premten e kaluar në Monako, Mishel Platini, drejtuesi i futbollit evropian. “Në Itali bëhet arbitrimi me 5 arbitra dhe po përdoren teknologjitë për vijën e golit. Do ta ndjekim nga afër këtë çështje për të vendosur se çfarë arbitrimi do të përdorim në EURO 2016. Siç e dini edhe ju, mua më pëlqen shumë sistemi i arbitrimit me pesë arbritra, gjë që mendoj se është një sukses i vërtetë”, ka thënë Platinija, i cili është deklaruar gjithmonë kundër përdorimit të videos për arbitrimin. Teknologjia e vijës së golit është përdorur me sukses për herë të parë gjatë Kupës Botërore të Futbollit, Brazil 2014.
