Nëse deri dje ishte ajo që punonte për të ndërtuar një karrierë, tani mund të thuhet se vitet e përpjekjeve të dikurshme po punojnë sot për të. E themi këtë pasi pas disa sukseseve të njëpasnjëshme në jetë, ajo vjen me suksesin e radhës; pjesëmarrjen në MTV e Lindjes së Mesme. E përzgjedhur si përfaqësuese e Shqipërisë, Soni paraqitet aty me këngën “Tulipan i bardhë”, në bashkëpunim me Saad Ramadan. Bëhet fjalë për një shfaqje e cila do të jetë live dhe do të ketë përfaqësues nga e gjithë bota. Këngëtarja po përgatitet intensivisht me vokalin për një paraqitje sa më të denjë atje, ndërkohë që shumë shpejt do të kemi mundësinë ta ndjekim, pasi videoja të hidhet në You Tube, me shpresën se pas shijes paksa të hidhur në Eurovizion, do të kemi një ripërtëritje të krenarisë shqiptare.
Soni Malaj në MTV e Lindjes së Mesme
