Përbërësit:
Afro 450 gramë miell
250 ml qumësht
100 ml vaj
1 lugë kafeje sheqer
1 lugë kafeje kripë
1 lugë gjelle maja
1 vezë
Mbushja:
½ tufë majdanoz i grirë hollë
Djathë i grirë (dyfishi i sasisë së majdanozit)
1 qepë mesatare e grirë
Përziejini të gjitha dhe lërini mënjanë
Përgatitja
Ky është një brumë që nuk ka nevojë të punohet shumë. Në një tas të thellë, hidhet qumështi i vakët me sheqerin dhe majanë. Lihet të veprojë 10 minuta. Shtohet veza, vaji, kripa dhe përzihen. Shtohet mielli pak nga pak, derisa të formohet një brumë i butë, mbulohet me një pecetë të pastër dhe lihet derisa të dyfishojë vëllimin. Ndahet brumi në toptha të barabartë, afro 100 gramësh. Vihet mbushja në mes dhe rrotullohet mini bageta, derisa të marrë formën e vet, domethënë, e gjatë, e hollë, më e hollë në cepa dhe më e trashë në mes. Minibagetat vihen me radhë në një tepsi të lyer me vaj dhe lihen për 15 minuta. Bëhet një prerje në mes të minibagetës dhe lyhet nga sipër me një të verdhë veze. Piqen në furrë në 180 gradë celsius derisa të marrin ngjyrë të artë.