Janë tashme mijëra momente që ndame bashkë, janë mijëra fjale qe kemi thënë. Ndoshta nuk do ndalim kurre se theni qe duhemi, që shpresojmë, dashuria eshte e tille qe kurre nuk lodhet. Unë dua që të vazhdoj keshtu sepse ne çdo fjalë, në çdo rrokje, në çdo tingull qe del nga goja jote dridhem nga dashuria per ty, sa here qe te degjoj kthehem dhe te dashuroj edhe 100 herë më shume. Ajna.
Zeri jot është zëri me i embel qe kam degjuar dhe i vetmi ze te cilin dua te degjoj per reston e jetes sime. Kur nuk je te degjoj, kur je të admiroj, kur nuk je të ndiej, kur je dua të të perqafoj. Dua te me thuash mendimet e tua, shpresat e tua, çfare ti pret nga unë, çfarë ëndërron me mua, dua të më vendosesh ne ëndrrat e tua, në mendimet e tua, dua te jem gjithkund brenda teje ashtu si dhe ti je brenda tek unë. Uri.
E more dashurinë time si një amita 40 lekshe, i thithe lengun dhe pastaj e hodhe perdhe duke e shkelur me force: “bum!” Pëlciti ajo ashtu si kercet kallashi. Shoh këtë dhome te trishtuar ku gjithçka e ndjen mungesen tende: mobiljet jane plot me pluhura, lavamani plot me pjata te pista, portofoli plot me leke, në sfond nje kenge melanalkoolike “ca ta bo gruja, s’ta bo as Perëndia” e kenduar nga Bujar Qamili, ndersa mua me duket sikur degjoj zerin tend qe me therret si dikur: “Patellxhani im i mbushur!” dhe une i humbur ne kujtime te pergjigjem me embelsi:”fasulja ime pllaqi!”. X.
Djalli ta hajë, nuk je e vetmja femër në këtë botë, ka të tjera sa të duash, por asnjëra nuk është si ty. Asnjëra nuk është e zonja ta djegë gjellën tre herë rresht brenda një ditë. Asnjëra nuk është e zonja si ty të më godasë me shapkë në kokë që nga ballkoni i katit të katërt, asnjë tjetër nuk do më bëjë pyetje inteligjente si ato të tuat: i dashur, kësulkuqja është një vajzë me flokët e lyera me këna… Sot smë mbetet gjë tjetër veçse të ulem diku me një birrë Tirana në dorë dhe pas një grogësime të gjatë dhe të trishtuar të them: c’est la vie! N.
Advertisement