Djathi kamember (camembert) është një djathë francez tipik, i butë, me yndyrë, ka një aromë karakteristike dhe shkrin kollaj. Ai mund të përdoret në gatime të ndryshme dhe ky është njëri prej tyre:
Përbërësit:
1 rrotë e vogël djathi kamember ose bri (lloj djathi francez)
2 lugë marmalatë kajsie
1 lugë gjelle bajame
1 lugë boronica të kuqe të thata (cranberry)
1 petë sfoliat
1 e verdhë veze me pak ujë ose qumësht, për ta lyer
Përgatitja:
Përgatitja është shumë e thjeshtë: Hapet peta sfoliat, vihet në të rrota e djathit kamember dhe përsipër i hidhet marmalata e kajsisë e bajamet, si edhe boronicat e kuqe. Mbyllet peta si zarf, lyhet përsipër me të verdhën e vezës dhe vihet të piqet në 180 gradë përreth 20-25 minuta, derisa të marrë një ngjyrë të bukur sipër.
