Përbërësit për një tavë të vogël:
Karkaleca të qëruara, gati 600 gramë
5-6 domate të pjekura, të qëruara
2 qepë të njoma ose një qepë e thatë, e vogël
2 speca, kripë, piper, majdanoz
hudhra 3-4 thelpinj
1 gotë verë e bardhë
1 lugë miell
1 luge kafeje piper i kuq dhe pak djegës nëse ju pëlqen
100 gramë-150 gramë djathe i bardhë
200 gramë gjizë
vaj ulliri 100 mililitra
Përgatitja:
Kavërdis në tigan qepën lehtë në vajin e ullirit dhe shton edhe specat aty. I kavërdis edhe specat pak fare, pasi këto do të piqen përsëri në furrë, shton një lugë miell, pastaj edhe domatet dhe verën. I lë ca sa të trashet pak lëngu dhe hedh edhe karkalecat. Pastaj, me radhë, thelpinjtë e hudhrës, kripën, piperin, gjizën, majdanozin dhe djathin e thërmuar. I transferon në tavë balte dhe i lë në furrën e nxehtë 250 gradë rreth 15 minuta, sa të marin një faqe dhe të zënë një kore të lehtë. Kësaj fërgese mund t’i shtoni pak miell, nëse gjiza është e ujshme. Nëse ju pëlqen, mund t’i vini edhe gjethe dafine dhe pak rigon ose dhjozëm. Erëzat, sipas dëshirës.
