Dy personazhë punojnë si bebisister me kone. I pari e ka mësuar zanatin e në Kanada. I dyti në Francë. Shëtisin me dy-tre kone secili.
Bebisiteri I parë:- Ke dijeni për modën e fundit? Gratë e burrave të shtetit dhe të zengjinëve lindin fëmijë me pakicë dhe blejnë kone me shumicë! Fëmijët I dërgojnë për studime në Selaniqi, Romë, Paris, Londër, Hagë a në në Amerikë. Zagarët, që kanë zëvëndësuar boshllëkun e fëmijve në vila, I dërgojnë në Shkollën e Qënëve në Tiranës. Me këtë rast janë hapur edhe vende të reja pune për bebisiter. Nukdi a futen në defteret e vendeve të reja të punës, që ka hapur Rama.
Bebisiteri I dytë:- Ka edhe gojë të liga që thonë, se demek, disa zonja imitojnë filmat e Hollivudit me seks-dog, sepse burrat na qënkan bërë sterilë, sepse I thau jallania politikë! Unë nuk besoj, sepse më ngjan si propogandë antikombëtare!
I pari:-Ndërkohë janë shtuar investimet. Dyqanet që shesin zagarë janë shtuar si “kërpudhat pas shiut” në Tiranë, në Durrës, në Korçë a Shkodër. Në Tiranë është shkuar më tej. Janë hapur tre-katër hotele për zagarë. Dy janë me pesë yje. Normale. Jemi vend I paradokseve. Më shumë kujdes tregohet për zagarët se sa për fëmijët e romëve?! Por sa “qen luksi” ka në Tiranë?
I dyti:-Sipas statistikave zyrtare ka rreth 553 copë. Po të kemi parasysh faktin se 40 përqind e ekonomisë “noton në të zezë”, konet dhe qentë e zengjinëve duhet të jenë rreth 834 copë.
I pari:- Të të them një gallatë. Parlamenti, duke qënë I ngeshëm me punë, na paska nxjerë edhe një ligj për taksimin e qënëve të zengjinëve. Ligji është miratuar në tetorit të vitit 2006. Por deri më sot asnjë zengjin nuk ka paguar kokërr leku?! Pronari im më tha një ditë: Unë nuk paguaj faturat e dritave. Qeveria na vë taksa edhe për qëntë, sikur të jetojmë në Londër?!
I dyti:- Basha ka firmosur edhe një urdhër “ekstra”. Qentë e zengjinëve kanë të drejtë të shëtisin rrugëve të Tiranës dhe rrugicave të Liqenit Artificial. Qëntë e rracave supërjore dhe të rrezikshëm-dobërman- duhet të kenë maska në fytyrë. Pse u vendos ky rregull?
I pari:-Sebep u bë kafshimi që I bëri një qën race Tomorr Dostit, ishe deputet demokrat. Për fat të keq edhe kjo urdhëresë ka mbetur në letër.
I dyti: -Disa netë më parë u vranë 5 zagarë rrugaçë. Kur pikasa fatkeqësinë, i bërë dy gisht letër aktores së famëshmë franceze Brixhid Bardosë. Ajo drejton shoqatën “Për mbrojtjen e të drejtave dhe lirive të kafshëve”. Jemi miq në facbook. Ke dëgjuar për Brixhit Bardonë?
I pari: Sigurisht. Një gazetë e kohës ka shkruar se Brixhida bënte 1000 sex-shoë në vit! Bile e njëjta gazetë shkruante se Presidenti De Gol, mbante mbi tavolinën e punës një bust nudo të aktores së famëshme! Thonë se Gjenerali kërkonte të vinte në jetë një fjalë të urtë popullore shqiptare: Do maçoku mi të njomë!
