NORA LE “DANCING” SEPSE PRET NJE BEBE

Ajo pret një bebe! Edhe pse nuk ishte krejt e papritur deklarata e saj, Nora mbrëmë ka “surprizuar” më shumë me faktin se si ka mundur të rrezikojë duke kërcyer për disa javë rresht në një spektakël kërcimi, sesa me lajmin që do ta ndërpriste këtu garën. Nëse keni qenë të vëmendshëm, Kastro Zizo në një intervistë të fundit dhënë para dy muajsh, i drejtohej këngëtares me fjalët : “Nora nuk i them askujt që je shtatzënë”, pra zërat qarkullonin që atëherë. Ndërkohë vetë Nora, deklaroi mbrëmë gjatë transmetimit live të programit “Dance ëith me”: “Kam vendosur që ta lë garën këtu. Nuk mund ta vazhdoj dot më. Arsyeja është se unë do të bëhem nënë. Dhe në këto momente nuk më intereson më asgjë tjetër, asnjë lloj çmimi sepse e vetmja gjë që më intereson më shumë tashmë është që do të sjell në jetë një fëmijë”. Me gjendjen e re të Norës, u solidarizua edhe partneri i saj në kërcim, Gent Bejko, i cili fisnikërisht u tërhoq edhe ai nga gara. Mësojmë se Nora është 3 muajsh shtatzënë dhe ne i urojmë një pritje sa më të ëmbël të të voglit të saj.