arandë, rreth orës 19 : 30 në vëndin e quajtur Bunec në Komunën Lukovë, shërbimet e Policisë Kufitare Sarandë kanë ndaluar një automjet tip Mercedes Benz brënda të cilit ndodheshin 3 persona, 2 shtetas shqiptare dhe një shtetas i huaj i cili mendohet të jetë me kombësi siriane të cilët u shoqëruan në ambientet e Komisaritit të Policisë.
Menjëherë në lidhje me këtë rast nga shërbimet e Policisë Kufitare Sarandë në bashkëpunim me repartin Delta Forcë Vlorë janë organizuar shërbime të përbashkëta me qëllim parandalimin e një trafikimi të mundshëm të personave të tjerë të huaj.
Në vijimësi, nga shërbimet e përbashkëta të policisë rreth orës 20 : 40 në veri të fshatit Lukovë dhe pikërisht në vëndin e quajtur ish-SMT, i është bërë shenjë të ndalojë një automjeti tip fugon mallrash i markës Fiat me targa FR 6650 C, drejtuesi i të cilit nuk i është bindur forcave të policisë por ka manovruar duke u futur në një rrugë dytësore dhe menjëherë ka braktisur mjetin në ecje e sipër i cili, fatmirësisht pasi ka bërë disa metra është ndalur në anë të rrugës duke rrezikuar të rrëzohet nga disa dhjetëra metra lartësi. Nga kontrolli i fugonit brënda tij janë gjetur 34 persona shtetas të huaj të cilët mendohet se janë kryesisht sirianë dhe palestinezë, mes tyre 2 gra dhe 2 femijë.
Menjëherë nga shërbimet e policisë është dhënë ndihma e menjëhershme dhe është bërë nxjerrja e tyre pa u lënduar nga automjeti i cili rrezikonte të rrëzohej dhe shoqërimi për në komisariat. Janë organizuar shërbime dhe po kryhen kërkime në të gjithë zonën me qëllim kapjen e personit i cili braktisi automjetin që drejtonte. Nga verifikimet e kryera ka rezultuar se targat e automjetit tip furgon janë të fallsifikuara. Mendohet që klandestinët kanë hyrë nga kufiri i gjelbër me Greqinë dhe se do të trafikoheshin në drejtim të Kufirit me Malin e Zi.