– Kam një pyetje për instruktorin: Doja të dija, cilat janë ushtrimet më të mira për të forcuar kockat? E them këtë sepse kam filluar të kem probleme me kockat dhe dua të parandaloj osteoporozen. Pres një përgjigje nga ju. Faleminderit.
Mario, instruktor: – Së pari, do t’ju thoja të bënit një vizitë te mjeku ortoped, që të jeni të qetë më pas kur të ushtroheni. Ushtrimet më të mira janë stërvitjet e forcës që kanë lidhje me të ushtruarit me pesha. Kuptohet, këto duhen shoqëruar edhe me vrapin, kërcimin apo ecjen, por veçanërisht për kockat është stërvitja me pesha, sepse nuk e lejon kockën të dobësohet më shpejt seç duhet. Do të ishte ideale të ushtroheni me pesha shoqëruar me kërcim, siç është aerobia, për shembull. Kuptohet, me gira me pesha të vogla. Ky lloj ushtrimi përmirëson dukshëm forcimin e kockave. Të gjitha ushtrimet janë shumë të mira, por disa kategori janë të ndara sipas kërkesave të personit, i cili e di mirë se çfarë kërkon të përmirësojë më shumë. Në rastin tuaj, do t’ju këshilloja të ushtroheni në të gjitha llojet e ushtrimeve që përmban fitnesi, por për kockat, më i specifikuar është ushtrimi me pesha, që ndihmon edhe në parandalimin e osteroporozës.