Ilirjan Celibashi, ministri i marrëdhënieve me Parlamentin sot, fare papritur, dha dorëheqjen për “arësye personale”. Kështu tha, të paktën, kryeministri Edi Rama në konferencën për shtyp ku prezantoi ministren e re, Ermonela Felaj. Ai shtoi që ”tashmë, pas dorëheqjes, koha e tij do të jetë më e madhe për angazhimet familjare”. Ne u përpoqëm të takonim zotin Çelibashi gjatë gjithë ditës së premte, por nuk mundëm. Deshëm ta pyesnim atë se cilat ishin arësyet familjare që e shtynë atë të jepte dorëheqjen? Moa vallë kjo ka lidhje me arrestimin e mundshëm te kunatit të tij, Fatmir Mediu dhe “angazhimet familjare që e presin atë” janë mbrojtja në gjyq e kunatit të tij? Mos kjo ishte ajo “çështja e madhe” që, siç deklaroi para ca muajsh Prokurori i përgjithshëm, Adriatik Llalla, do do të ndryshonte jetën politike shqiptare?
Advertisement