Pas një beteje të gjatë debatesh dhe konsultimesh ndërpartiake , më në fund u përcaktuan edhe kualicionet politike , frontet e fushbetejës në zgjedhjet a afërta lokale .Kualicion i djathtë paraqitet i rrënuar , me shumë ish aleatë të dezertuar. Ndoshta është firua më e madhe që ka pësuar ky kualicion që nga lindja e pluralizmit në Shqipëri. Ndërsa kualicioni i majtë duket i tejngopur. Në të marrin pjesë gati 40 parti , të njohura dhe të panjohura , me kontribute në arenën e luftës politike shqiptare , por edhe pa kontribute fare , të majta edhe të djathta , nga ato që e kanë provuar shijen e embël të pushtetit, por edhe nga ato që rishtas kërkojnë ta shijojnë atë, nga ekstremë të të dy krahëve të spektrit politik shqiptarë , nga të urtit, por edhe nga ata që deri më dje kanë qënë në vijë të parë të luftës politike, ndaj te majtës . Cudia shqiptare shkon edhe më tej , ku kryetari i partisë aderon ne njerin krah politik , kurse strukturat e parties ne frontin tjeter , kur i njejti subjekt politik ne zgjedhjet e pushtetit qëndror përfshihet djathtas , në ato të pushtetit lokal aderon majtas.
Natyrishtë aleancat zgjedhore dhe paszgjedhore, janë përvoja të përgjithësuara dhe të zbatuara me sukses në vendet me demokraci liberale , ato janë kthyer në një mënyrë drejtimi dhe përfaqësimi të një qeverisje me bazë sa më të gjërë . Por jo vetëm kaq , aleanca të tilla kanë qënë produkt i kompromisit dhe konsensusit mes forcave politike në zgjidhjen e krizave politike , e problemeve të mëdha kombëtare e ndërkombetare . Kualicione të tilla i gjejmë të realizuara me mjaft sukses në Itali , ne Gjermani. Edhe te fqinjë tanë, në Greqi e majta dhe e djathta, pra, ND-ja dhe Pasoku, për herë të parë ne historinë e pluralizmit politik në këtë vend , bënë aleancë për menaxhimin e krizës ekonomike dhe shpëtimin e vendit nga falimentimi . Të tilla aleanca politike ka diktuar kriza ekonomike të zbatohen edhe në Spanjë, në Portugali , në vendet Nordike e Skandinave, gjithandej . Pra, aleancat politike janë të pranushme dhe pjesë e kulturës demokratike . Por ajo që tërheq vëmendjen në kualicionet tona , është se si mund të funksionojë një aleanc e tillë me 38-subjekte politike , me po kaq programe ,alternativa deri edhe me kahje të kundërta politike. C’pjes të programit të rilindjes, do të bejnë të tyre këto forca politike , si do ta ruajnë integritetin e vetë , në këtë kualicion të gjërë , deri ku do të jetë vija e kuqe , ku ato nuk do të lëshojnë nga program i tyre, si do ta zhvillojnë më tej betejen politike në mbrojtje të alternativës së tyre, para elektoratit ? Po, partneri kryesor PS-ja , që e drejton këtë front të gjërë politik, c’do të korrigjojë nga program i saj? Mbi c’program qeverisës amalgam do të realizohet ky bashkim, me bazë kaq të gjërë ? Mos kemi të bëjmë me marrëveshje, ku mes aleatëvë ndahen vetëm thelat , postet shtetërorëe , në bazë dhe në qëndër , ku përcaktohen , sferat e influencave ekonomike e financiare ,ku vendosen kufinjtë e lirisë së monopoleve dhe të trafiqeve ? Po, kështu nga kjo aleancë , pavarësishtë se ndanë pushtetin me ta, del e fituar edhe PS-ja , pasi në këtë mënyre kompeson firon e elektoratit të majtë për , shkak të zhgënjimit nga mosmbajtja e premtimeve të bëra dhe shkarkimit të krizës në kurriz të të varferve . E konceptuar dhe e realizuar në këtë formë aleanca jo vetëm se i humbet vlerat politike , por edhe kthehet në një pazar në interes të pushtetarëvë partiakeve dhe elitave drejtuese , por jo në interes të zhvillimit të vendit dhe demokracis së vërtetë .
Kualicione mbi bazën e ideve , alternativave , programeve , si dhe për zgjidhjen e problemeve të mëdha në interes të vendit , ende në Shqipëri nuk kemi parë të realizohen . Ajo çfarë kemi parë janë aleancat për të fituar numra ,vota , elektorat , për ta mundur kundërshtarin politik me epërsi numerike , por kursesi me vizjone , me zgjidhje , me projekte dhe programe , me realizime . Duke qënë kështu , edhe aleancat janë kthyer në një fushë pazaresh shpeshëherë të pamoralshme dhe korruptive . Aleanca të tilla , ndoshta me bazë edhe më të gjëre , janë ndërtuar edhe herë të tjera, por ato nuk kanë qënë shumë të suksesëshmë ,madje kanë funksionuar , me shumë probleme . Si mund të ndodhi që në bazë të një kualicioni të gjërë ,me një shumicë të cilësuar parlamentare , nuk janë zgjidhur problemet më strategjike , si ajo e pronave , rregullimet kushtetuse , reformimi i sistemit gjyqësor , kontrolli i territorit e shumë çështje të tjera , për të cilën populli ka votuar në mënyrë plebishitare . Kur, qeverisjet mbi bazën e kualicioneve , me bazë të gjërë nuk kanë mundur të zgjidhin këto problem , atëherë për çfarë duhen këto kualicine , për të sjellë në pushtet një elitë ,një grup njerzish që më shumë se interesat e vendit shikojnë karrigen e tyre , pushtetin vetjak ? Kjo sëmundje e aleancave ndihet edhe në baze , në pushtetin vendor . Edhe atje kanë funksionuar kualicione të gjera ndërpartiake , por nuk është mundur të evitohen shpërdorimet e fondeve publike , të ndalohen ndërtimet pa leje , të shmanget zhvatja e pasurisë kombëtare , t ‘i ndërpritej rruga korrupsionit dhe trafiqeve , të zbatoheshin politika më sociale per kategorinë e njerëzve më në nevojë . Por, edhe atje ku nuk kanë qënë të zyrtarizuara këto aleanca , ato kanë funksionuar ilegalishtë , nën rrogoz , të fshehura , për synime korruptive . Në shumë skandale të përfolura , i gjen bashkë , pa dallime partiakë edhe te majtin edhe te djathtin , edhe drejtuesin, apo puntorin e administratës ,në një front për të zhvatur sa më shumë duke shfrytëzuar në mënyrë abusive pushtetin . Qofsha i gabuar, po kualicione të tilla nuk do ta justifikojnë qëllimin , ato më shumë janë tollumbace në erë, se sa një instrument drejtues gjithpërfshirës . Ato, nga përmbajtja por edhe nga forma, të kujtojnë akrobacitë e Ramiz Alise , ku në vend të partive politike , kërkonte ta realizonte pluralizmin me organizatat e masave ,atë të rinisë ,të gruas ,bashkimet profesinale , me shoqatën e gjuetarëve , etj .
Përvoja shqiptare ne krijimin dhe funksionimin e kualicioneve njeh edhe çudira të tjera edhe më të mëdha , kur ato jo vetëm në shumë raste , nuk kanë qënë fleksible ndaj disa ngjarjeve tragjike të ndodhura në vënd , por kualicioni qeverisës në bllok është munduar t’i mbulojë ato , të fshehë provat dhe t’i imponohet drejtësisë, për mosdënimin e tyre . Pra , këto aleanca kanë shërbyer për të mbrojtur krimin , korrupsionin , trafiqet dhe jo për një qeverisje të pastër , të hapur e transparente . Për të mos thënë edhe më keqë , kur fushata është zhvilluar për të rrëzuar nga pushteti një forcë politike dhe pa mbaruar numurimi i votave , po kjo forcë politike ka shpallur aleancën me të , duke i përtypur gjithë atë detë sharjes e argumentash, të përdorura kundër sajë . Jo në pak raste ,është treguar se elektorati apo grupe të caktuara shoqërore janë tradhëtuar apo gënjyer ,nga liderit e partisë . Humbëm një betejë, ju drejtua ,Neritan Ceka , ish ushtarakeve ,kur qeveria Berisha , kundër ligjit , miratojë një akt normativ, ku i rrënonte ekonomikisht, ata , por nuk kemi humbur luftën ,shtojë ai . Dhe strategët e medhej kështu flasin , por e keqia nuk qëndronte te fjalët, por te vepra e tij, pasi vetë ky strateg, nuk kaluan as pakë ditë dhe i tradhëtoi interest e këtij grupi shoqëror të cilët i kishin dhënë votën, duke e gjetur veten, në grazhdin e Berishes .Por si ky rastë ka mjaftë të tjerë , të cilat i japin një shije të pështirosur aleancave , dezertimeve të deputetëvë nga nje krah në tjetrin , partive politike, të cilat jashtë programit dhe votbesimit të elektoratit, bejnë tregëti politike në interes të nje klike apo elite brenda partisë. Sidoqoftë ,e sigurt është se fronti i majtë do të fitojë ,por po kaq e sigurt është se humbja do t’i shërbejë PD-së,për t’u shëruar ,për t’u ndarë njëherë e mirë nga njerzit e inkriminuar , nga e shkuara e saj lemerisëse ,nga tragjeditë qe i ka shkaktuar këtij vendi .Atë ,që s’e bën dotë drejtësia , shteti ligjor, politika, e sigurt do ta bëjë sovrani popull, ashtu sic nisi ta bëjë në 23-qershor , dy vjet më parë , me qëllimin fisnik për ta kthyer këtë forcë politike në një aset të vlefshëm kombëtar . Dëgjojeni popullin . Ai nuk flet kot .
(Gazeten INTERVISTA tani mund ta blini edhe ne Greqi, ne kioskat ku shitet shtypi i huaj. Nese nuk e gjeni, na dergoni nje sms ne 6938691274. Ju lutem na ndihmoni! Gazeta Intervista tani eshte e vetmja gazete ne gjuhen shqipe ne tregun grek!)
