Labinot Tahiri bashkëpunon me 2 Ton

I pari i përket muzikës folk dhe është një ndër këngëtarët që ka axhendën më të ngarkuar me koncerte kryesisht jashtë Shqipërisë dhe Kosovës, për shkak se pëlqehet mjaft në Diasporë, ndërsa i dyti është një ndër reperat më të suksesshëm të momentit. Ajo që i bashkon ata të dy, përveç dëshirës për muzikë, është edhe vendi i lindjes, Ferizaj. Kjo njohje mes tyre ka ndikuar edhe më shumë që dy këngëtarët të vijnë së shpejti me një bashkëpunim. Këtë gjë e ka konfirmuar vetë 2 Ton, i cili në Cv-në e karrierës së tij, ka këngë dhe bashkëpunime mjaft të suksesshme. Kënga, që ia kanë besuar si prodhim “Bini Records”, pritet të dalë shumë shpejt për të gjithë fansat.