Tokën e kërcënon një stuhi e fuqishme manjetike

Gjatë këtij gjashtëmujori, si pasojë e shpërthimeve në Diell, Toka do të njohë një nga stuhitë manjetike më të fuqishme që ka patur rast të provojë brenda 150 viteve të fundit. Sipas prognozave, kjo stuhi e fuqishme do të pengojë në funksionimin e tyre sistemet më të rëndësishme që u sigurojnë njerëzve jetë normale, si bie fjala, do të pengojë në punën e vet sistemin kompjuterik, atë të furnizimit me energji elektrike, etj. Sipas pohimit të shkencëtarëve, disa qeveri, siç është ajo e Britanisë së Madhe, po përgatitin konkretisht projekt-ligje speciale për situata të jashtëzakonshme. Ata po përgatisin ligje, të cilat do të lejojnë në rast emergjencash, të mbyllen sistemet në territorin e të gjithë vendit për të ruajtur tërësinë e tyre në momentet intensive të stuhisë manjetike. Kështu, do të ruhen ato nga dëmtimet e rënda që do të kërkojnë investime të mëdha për t’u riparuar dhe për t’u zëvendësuar.
Sipas shkencëtarëve, Dielli ka hyrë tanimë në ciklin e ngritjes së aktivitetit të vet. Kësisoj, sipas matjeve, del se ky aktivitet i tensionuar është që tani pesë herë më i lartë se ai i vitit 1989, kur vetëm në provincën e Kebekut të Kanadasë mbetën pa energji elektrike më shumë se gjashtë milionë vetë. Stuhitë e ardhshme manjetike do të jenë pesë herë më të forta, ndërsa pas 30 vjetësh, ato do të dobësohen. Ulja më e gjatë në kohë ka ndodhur në vitet 1645 deri në 1715, vite këto që lidhen me periudhën e vogël të akullnajave në Evropë.