E dashur psikologe, kam lexuar diku që e qeshura e fundos depresionin. Është e vërtetë apo ka qenë ndonjë batutë e psikologëve apo e atyre që kanë bërë shkrimin? Kaq fuqi ka e qeshura? Ju lutem mund të më jepni disa detaje rresh kësaj çështjeje? Me respekt, Leda Tiranë.
Olta Muça, psikologe, email oltmuca@gmail.com:- E dashur Leda faleminderit për pyetjen e drejtuar! Të flasësh për të qeshurën është ndjesi pozitive të cilën e transmeton edhe tek të tjerët . E qeshura të shton jetën, pakëson stresin e forcon sistemin imunitar. Të marrësh pjesë në një aktivitet që qeshin, të bën ty një njeri më të fortë psikologjikisht e fizikisht. Fuqia e të qeshurës është e paimagjinueshme është lumturia më e madhe që ekziston , ndonjeherë, madje ka studime të ndryshme përsa i përket jetës që janë bërë me dekada të tëra e të gjitha kanë dalë me të njëjtin përfundim. Nga se përbehet ajo? Mos vallë ka ndonje formulë magjike? Jo, lumturia s’ka asnjë formulë magjike çdo gje varet nga mënyra sesi ne i përceptojmë situatat sa të aftë jemi për t’i zgjidhur. Sa përshtatemi ne në ambjentin e punës ose përreth saj? Sa energji pozitive përçohet? Ne jemi gjatë gjithe kohës në studim, jemi në prova të vazhdueshme gjatë gjithë jetës . Sipas studimeve të ndryshme qe jan bërë nga psikologë të ndryshëm e qeshura
rrit vetëvlerësimin ose vetëbesimin, ndihmon për reduktimin e stresit e depresionit njëkohësisht, rrit produktivitetin në punë se nëse një drejtues sillet mirë me vartësit, punonjësit janë më aktivë e të lumtur shpirtërish dhe kjo gjë rrit krativitetin në punë. E qeshura ndihmon edhe në sistemin trupor sepse djeg kalori sepse kur qeshim vihen në lëvizje muskujt e fytyrës, çka bën të merremi me sport në mënyrë të pandërgjegjshme. E qeshura hap horizontin ne aspektin social , gjë që përmirëson ambjentin përreth ose është një metodë e mirë për të lënë pas paragjykimet e ndryshme. E qeshura jo vetëm që lufton depresionin dhe stresin , por rrit presionin e gjakut të qarkullojë më lehtësisht, na ndihmon të socializohemi më shpejt në punë, familje ose shkollë. E rëndësishme është që ne të ndjehemi të lumtur shpirtërisht. Lumturia është të shikosh njerëz të lumtur, të qeshur e inteligjentë që marrin rezultatet e inteligjencës së tyre dhe buzëqeshin. Nëse një njeri është ose ndjehet i lumtur ai / ajo e pasqyron këtë gjë në çdo qelizë, në çdo hormon të trupit. E qeshura ndihmon dhe ndikon edhe në komunikimin jo verbal duke u bërë akoma më e fuqishme, për të zgjidhur problemet e sfidat e jetës . Ti qeshësh jetës rrjedhimisht ka më pak stres dhe më shumë kretivitet. Jemi të aftë të ndjekim pasionet tona pavarësisht pengesave që ne hasim rrugës. E qeshura që ne dhurojmë ose e marrim në këmbim nga njerëzit është ilaç për shpirtin, madje kjo gjë i bën mirë si të afërmëvë tanë, ata me të cilët këmbëjmë energji çdo ditë. Energjia pozitive që përçohet përmes të qeshurës eshtë e papërshkueshmë e mbi të gjitha na bën të jemi shumë të fortë psikologjikisht e mendërisht. Duke marrë parasysh që çdo njeri është i ndryshëm e unik energjia që përçohet varet nga gjëndja shpirtërore e individit . Në qoftë se ti ose dikush tjeter ka energji negative ai /ajo ta transmeton ty . Por nëse ne jemi të lumtur si nga ana shpirtërore e fizike pozitivieti të shoqëron gjatë gjithë kohës. E qeshura lufton depresionin po ashtu edhe stresin dhe na dhuron qetësinë aq të dëshuruar. Nëse lumturia buron nga shpirti është armiku më i madh i stresit dhe depresiont, prandaj dalim në pëërfundimin që e qeshura e fundos depresionin! Uroj të kenë shërbyer sadopak këshillat që solla pak më lart! Të uroj gjithë të mirat!
