Vera është stina në të cilën prurjet në muzikë janë të mëdha por edhe të bukura. Artistët shqiptarë, mundohen të sjellin më të mirën për sezonin e nxehtë dhe një prej tyre është edhe këngëtarja Violeta Taci. Ajo sapo ka publikuar këngën e saj më të re, një këngë ritmike, plot gjallëri, ngjyra dhe freski. “Zemra lalit” është klipi më i ri i këngëtares që nuk është e panjohur për publikun shqiptar duke qenë se ka edhe klipe të tjera në treg, ku përmendim këngën “Zemren nuk ta fali”, apo këngët patriotike “Djale Mirdite” “Shqiponja “. 
Kënga dhe klipi i ri i Violetës është një bashkëpunim me dy këngëtarë të rinj dhe të talentuar si Soni Beratit dhe Baba Li, secili në zhanrin e tij. Një kompozicion i Prin1, me orkestrim të Adem Beratit, tekst të Sara Beratit dhe klip të Ego films Eridon Hoxha. Violeta shfaqet mjaft e këndshme dhe sharmante në këtë klip, që si duket ka gjetur mbështetjen e publikut. Më poshtë keni linkun e klipit që nuk ju mbetet gjë tjetër vetëm ta klikoni dhe të kërcenin nën ritmet e “Zemra lalit”…!
Violeta Taci vjen me “Zemra lalit”; sjell ritme dhe freski!
