– Ç’do të thotë të shikosh në ëndërr sikur humbet këpucët në ëndërr? Kjo ëndërr po më persekuton shumë kohët e fundit. E shoh gjithnjë veten pa këpucë, sikur eci zbathur, në rrugë me llucë dhe në rrugë të ngjashme me udhëkryqe. Pres një përgjigje, ju lutem. Faleminderit. Hana.
– E dashur Hana, një ëndërr e tillë tregon që për momentin ndiheni e humbur në çdo drejtim dhe këpucët e humbura tregojnë që ju mungojnë elementet kryesore për të arritur atë çfarë dëshironi në jetë. Tani për tani, fati nuk është me ju dhe këtë e tregon edhe të ecurit në baltë, udhëkryqi etj. Balta ju kërkon të keni kujdes se veç të tjerave mund të pësoni zhgënjime nga rrethi juaj familjar ose shoqëror, mund të pësoni disa humbje ose t’ju vjedhin ato çfarë keni më për zemër. Do të keni disa humbje shpirtërore ose besimi në vetvete. Uroj të dilni sa më shpejt nga kjo gjendje dhe të shikoni ëndrra më të bukura. Gjithsesi, mbani mend që ëndrrat janë kalimtare dhe lidhen me një periudhe gjithmonë të shkurtër.
