Peshku salamandër afrikan, Protopterus annectens, mund të jetojë në një periudhë letargjike pa ushqim dhe ujë për tre deri në pesë vjet. Kështu, ata flenë dhe zgjohen, mjafton të jenë në ambient ujor. Gjatë letargjisë, kafshët janë joaktive për një periudhë të zgjatur, ata nuk hanë ushqime apo pinë dhe nuk urinojnë apo dalin jashtë. Ata hyjnë në një stad mpirjeje, duke ngadalësuar kohën biologjike.
Letargjia i ka joshur prej kohësh shkencëtarët, për shkak të mundësisë së aplikimit të saj të gjerë në fusha të ndryshme, që nga mjekësia e deri tek udhëtimet në hapësirë. Nëse kjo do të ishte e mundur te njerëzit, kirurgët do të kishin më shumë kohë për të operuar pacientët në momentet kritike, kur qarkullimi i gjakut ndalon dhe do të ishte e mundur të bëhej realitet ëndrra e udhëtimeve të gjata në hapësirë.
Studiuesit e udhëhequr nga profesori Ip jen Kuong, i departamentit të shkencave biologjike të Universitetit Kombëtar të Singaporit, krahasuan ndryshimin e një gjeni në mëlçinë e peshkut në fjalë pas gjashtë muajsh letargji si edhe një ditë eksitimi të tij pasi kishte kaluar gjashtë muaj në këtë gjendje. Ata zbuluan se ndërprerja e ushqimit te ky peshk afrikan në kushte të vështira, si temperatura të larta, përfshin rregullimin e disa aktiviteteve të qelizave. Rezultatet e studimit e vinin theksin në mbajtjen e një niveli të ulët të daljes jashtë, ruajtjen e energjisë gjatë kësaj faze, si edhe varësinë nga rezervat e brendshme të energjisë për riparimin dhe modifikimin e strukturave të brendshme gjatë fazës së eksitimit.
