Më dërgoi mesazh
– Kam parë një ëndërr sikur isha në shkollë të lartë dhe duke shëtitur në oborr të shkollës, takova dy vajza. U prezantuam dhe njëra më tha: “Unë të njoh, më ka folur një kushërira ime dhe kam shumë simpati për ty”. Më tha se më donte shumë dhe se më kishte dërguar 1 sms. Ju lutem, më ktheni përgjigje këtë javë, ç’do të thotë?
– Siç e përshkruanit edhe vetë, ju keni marrë një sms. Kjo sms ju është fiksuar sepse akoma s’e keni mësuar kush jua dërgonte dhe jeni vazhdimisht në kërkim të këtij personi. Shumë shpejt do ta mësoni kush jua ka dërguar. Këtë do t’jua thotë një person shumë i afërt me ju. Këtë kuptim ka ëndrra juaj. Ju urojmë fat!
Udhëtim me helikopter
– Kam parë në ëndërr sikur udhëtoja me helikopter. Një herë ulesha poshtë e një herë ngrihesha lart. Kur mbërrita në tokë, kishte njerëz që duartrokisnin. B.
– I/e nderuar B! Ëndrra tregon që jeta juaj private ecën mirë, pavarësisht uljeve të herëpashershme të humorit tuaj. Shumë shpesh mendoni sikur jeta juaj private ka dalë jashtë kontrollit, por në të vërtetë, ju jeni më shumë se kurrë në harmoni me veten, sado që ju paraqiten probleme. Sido që të jetë, ju në fund të fundit arrini të keni atë çfarë dëshironi dhe njerëzit që ju rrethojnë, ju konsiderojnë njeri me shumë fat.
