Anketa e fundvitit/ Si ishte për ju 2024 dhe çfarë prisni nga viti i ri 2025?
Gesti Lluca, shef kuzhine
Viti 2024 për mua ka qenë një aventurë e veçantë në botën e kulinarisë. Kam pasur mundësinë të eksploroj shije dhe përgatitje të reja ne catering-et që kam organizuar duke eksperimentuar me përbërës të freskët dhe krijuar menutë që reflektuan sezonin dhe kulturën e pjatave të shijshme. Kam mësuar shumë nga çdo përvojë – sidomos nga sfidat me të cilat jam përballur, që në një farë mënyre më kanë motivuar më tepër për të bërë më mirë.
Për vitin 2025, shpresoj të sjell më shumë inovacion dhe kreativitet në kuzhinë. Dëshiroj të punoj më ngushtë me fermerët dhe të promovoj ushqimin e freskët vendas, sepse besoj se kjo jo vetëm që i bën mirë shëndetit tonë, por ndihmon edhe komunitetin. Një nga qëllimet e mia është të krijoj eksperienca unike për klientët, ku ata mund të ndihen të lidhur me çdo pjatë që konsumojnë.
Gjithashtu, jam shumë i emocionuar për mundësitë e reja që do të sjellë viti i ri. Do të doja të organizoja më shumë aktivitete ku njerëzit mund të mësojnë për gatimin dhe të arrijnë të eksplorojnë shijet e tyre personale. Besoj se viti 2025 do të jetë një mundësi për të rritur dashurinë për gatimin dhe për të forcuar lidhjet me njerëzit përmes përvojave kulinare.
Faleminderit për mbarësi për të gjithë në 2025!
Gesti Lluca: Një vit plot shije dhe krijimtari
